कारवाई:बुलेट चोरून विल्हेवाट लावणाऱ्या‎ भंगार दुकानदारांसह चौघांना अटक‎

नगर‎ शहरात बुलेटची चोरी करून त्याचे‎ पार्ट सुटे करून विल्हेवाट‎ लावणाऱ्या टोळीचा कोतवाली‎ पोलिसांनी पर्दाफाश केला आहे.‎ याप्रकरणी चौघांना अटक करण्यात‎ आली. त्यातील चोरांना दोन दिवस,‎ तर विल्हेवाट लावणाऱ्यांना एक‎ दिवस पोलिस कोठडी सुनावण्यात‎ आली.‎

२० फेब्रुवारी रोजी मनीष‎ मदनलाल फुलढाळे यांची बुलेट‎ ख्रिस्त गल्ली येथून चोरीला गेली‎ होती. या गुन्ह्याचा तपास करताना‎ चोरीस गेलेली बुलेट अहमद मुन्ना‎ शेख (रा. मुकुंदनगर) याने चोरी‎ केली व ती साथीदार शाहरुख‎ आलम शेख (रा. नागरदेवळे)‎ याच्या घरात लपवून ठेवल्याची‎ माहिती कोतवाली पोलिसांना‎ मिळाली.

बुलेटची विल्हेवाट

पोलिसांनी या दोघांना‎ ताब्यात घेतले. त्यांनी सदर बुलेट‎ आम्ही चोरुन नंतर तीचे सर्व‎ स्पेअरपार्ट वेगवेगळे करुन ते भंगार‎ दुकानदार जावेद रऊफ शेख (रा.‎ सादिकमळा, भिंगार) व राम‎ विलास ससाणे (रा. गजराजनगर)‎ यांना विक्री केल्याची कबुली दिली.‎

पोलिसांनी त्यांना अटक करुन‎ चोरीस गेलेल्या बुलेटचे स्पेअर‎ पार्टस्, इंजिन, चेसीज हस्तगत‎ केली. अधिक तपास पोना‎ बाळासाहेब मासळकर हे करीत‎ आहेत. कारवाई पोलिस निरीक्षक‎ चंद्रशेखर यादव, गुन्हे शोध पथकाचे‎ पोसई मनोज कचरे, पोहेकॉ तनवीर‎ शेख, पोहेकाँ गणेश धोत्रे, पोना‎ योगेश भिंगारदिवे, पोना ए. पी.‎ इनामदार आदींनी केली.‎