मनरेगा:महिनाभरानंतर गती, 2 हजारांनी वाढली मजूरसंख्या‎

नगर‎ जिल्ह्यात महात्मा गांधी राष्ट्रीय ग्रामीण‎ रोजगार हमी योजनेंतर्गत २५ मार्चला ९‎ हजार ३७२ मजूरांना रोजगार मिळाला‎ होता. परंतु, विविध मागण्यांसाठी‎ गटविकास अधिकाऱ्यांनी (बीडीओ)‎ ११ एप्रिलपासून कामावर बहिष्कार‎ घातल्याने ८ मेपर्यंत मजूरसंख्या अ‌वघी‎ १ हजार ९८९ वर घसरली होती.‎

मंत्रालयात दोन दिवसांपूर्वी झालेल्या‎ बैठकीत सकारात्मक तोडगा‎ निघाल्याने, बिडीओंनी आंदोलन मागे‎ घेऊन कामाला सुरूवात केली.

रोजगार विभागाकडे नोँद

दोन‎ दिवसांत मजूर संख्येत अडीच‎ हजारांनी वाढ होऊन ४७५४ वर‎ पोहोचली आहे.‎ दरवर्षी उन्हाळ्यात रोजगार हमी‎ कामावर मजुरांची संख्या वाढते, परंतु‎ यंदा वाढलेली मजूर संख्या कमी‎ झाल्याचे दिसून आले. २५ मार्चला‎ जिल्ह्यातील ग्रामपंचायत स्तर व यंत्रणा‎ स्तरावर सुमारे २ हजार २७ कामे सुरू‎ होती. या कामांवर तब्बल ९ हजार ३७२‎ मजूर असल्याची नोंद रोजगारहमी‎ विभागाकडे झाली.

त्यानंतर १ एप्रिल १‎ हजार ४९६ कामावर ६६७२ मजुर होते.‎ पुढे विविध मागण्यांसाठी गटविकास‎ अधिकारी व इतर अधिकाऱ्यांनी‎ मनरेगाच्या कामावर ११ एप्रिलपासून‎ बहिष्कार घातल्याने टप्प्याटप्प्याने‎ मजुरांची संख्या कमी होत गेली. २८‎ एप्रिलला ११३९ कामांवर ५५५१ मजूर ‎उपस्थित होते. या आंदोलनामुळे ८ मे‎ रोजी जिल्ह्यात अवघी १३२ कामे सुरू ‎होती, त्यावर केवळ १ हजार ९८९ मजूर ‎कामावर होते. याची दखल शासनाने घेतली.

कामावर किती मजूर?

याबाबत ग्रामविकास विभागाचे अपर मुख्य सचिव राजेश कुमारे, अपर ‎ ‎ सचिव रोहयो नंदकुमार, मनरेगाचे ‎ ‎ आयुक्त शंतनू गोयल यांच्या उपस्थित ‎महाराष्ट्र विकास सेवा रापत्रित‎ अधिकारी संघटनेची सोमवारी (८ मे) ‎ ‎ बैठक झाली. चर्चा सकारात्मक‎ झाल्याने आंदोलन मागे घेऊन ‎ ‎ अधिकाऱ्यांनी पूर्ववत कामे सुरू केली.‎ गुरूवारी सुरू असलेल्या कामांचा‎ दैनिक दिव्य मराठीने आढावा घेतला‎ ‎असता ९६९ कामांवर ४ हजार ७५४‎ मजूर उपस्थित झाल्याचे दिसून आले.‎

काय सांगते आकडेवारी?

तालुकानिहाय कामे व मजूर‎ संख्या‎ अकोले ३४ (११७), जामखेड ११६‎ (९७७), कर्जत १३३ (७८२),‎ कोपरगाव ५१ (१४७), नगर ११६‎ (३६७), नेवासे ३७ (१६६), पारनेर ४९‎ (३१०), पाथर्डी ७ (७०), राहाता १०१‎ (३८३), राहुरी १०५ (३५२), संगमनेर‎ ५७ (३१७), शेवगाव ६६ (२९४),‎ श्रीगोंदे ४७ (२३७) तर श्रीरामपूर‎ तालुक्यातील ५० कामे (२३९).‎