मत:स्थानिक इतिहास लिहिण्याची गरज : अंबाडे‎‎

अलीकडे स्थानिक इतिहास लेखनाला‎ महत्त्व प्राप्त झाले आहे, कारण जगाच्या‎ पटलावर गावाचा स्थानिक इतिहास‎ लिहिला जावा, असे इतिहासकारांचे‎ म्हणणे आहे. इतिहास लिहिताना गावाचे‎ तेच का नाव पडले, गावाची भौगोलिक‎ सीमा, चतु:सिमा, भौगोलिक‎ स्थाननिश्‍चिती, नदी-नाले, त्यांची लांबी‎ रुंदी, सामाजिक स्तरीकरण, सामाजिक‎ स्त्री, स्त्रियांचे शिक्षण, सामाजिक स्थिती‎ आदी घटकांच्या नोंदणी घेतल्या पाहिजे.‎ त्यातून मोठा दस्ताऐवज निर्माण होईल व‎ तो अभ्यासक, भावी पिढीला मार्गदर्शक‎ ठरेल, असे मत इतिहासाचे अभ्यासक प्रा.‎ डॉ. किसन अंबाडे यांनी केले.‎ विद्यार्थी विकास मंडळ सावित्रीबाई‎ फुले पुणे विद्यापीठ व अहमदनगर कॉलेज‎ विद्यार्थी विकास मंडळाअंतर्गत इतिहास‎ विभागाच्या वतीने एकदिवशीय‎ कार्यशाळेत डॉ. अंबाडे बोलत होते.‎

इतिहास विभागाचे प्रमुख डॉ. विजय कदम‎ व प्रा. डॉ. कृष्णा पाटील, उपप्राचार्य डॉ.‎ प्रीतमकुमार बेदरकर, इतिहास विभागाचे‎‎‎‎‎‎‎‎‎‎ प्रा. डॉ. सचिन मोरे, राधाबाई काळे‎ महिला महाविद्यालयाचे अमोल बुचडे,‎ प्रा. श्रीराम मरकड आदी उपस्थित होते.‎ उपप्राचार्य प्रा. डॉ. प्रीतमकुमार‎ बेदरकर म्हणाले, “गतकालीन घटनांचा‎ अभ्यास ज्या शास्त्रात केला जातो,‎ त्याला इतिहास म्हणतात. गतकालीन‎ घटकांचा अभ्यास करताना, तो अभ्यास‎ पूर्वग्रहावर आधारित नसावा, कारण‎ पूर्वग्रहावर आधारीत संशोधन खरे‎ असेलच, असे नाही. त्यामुळे‎ गतकालीन घटनांचा शोध घेताना किंवा‎ संशोधन करताना हा पूर्वग्रह दूर करून‎ तथ्यांवर आधारित संशोधन करावे.”‎ पहिल्या सत्राच्या अध्यक्षस्थानी‎ अहमदनगर महाविद्यालयाचे इतिहास‎‎‎‎‎‎‎‎‎‎ विभाग प्रमुख प्रा. डॉ. विजय कदम होते.

ते‎ म्हणाले, की शेतमालाच्या किंमतीचाही‎ इतिहास लिहिला गेला पाहिजे. या‎ महापुरुषांच्या जयंती साजरा केल्या‎ जातात. त्या प्रतिकात्मक न करता वैचारिक‎ पद्धतीने झाल्या पाहिजेत. तसेच इतिहासाचे‎ अलीकडे जे विकृतीकरण होत आहे, ते‎ थांबले पाहिजे. दुसऱ्या सत्रात पेमराज‎ सारडा महाविद्यालयाचे प्रा.डॉ. कृष्णा‎ पाटील यांनी इतिहास लेखनाचे‎ पद्धतीशास्त्र या विषयावर विवेचन केले.‎ तिसऱ्या सत्रात प्रमुख पाहुणे म्हणून‎ अहमदनगर महाविद्यालयाचे इतिहास‎ विभागाचे प्रा. डॉ. सचिन मोरे होते.‎ इतिहास लेखन सत्य परिस्थितीवर‎ आधारित असावे, असे ते म्हणाले.‎