सामाजिक:दुर्लक्षित महिलांना समाजातील मुख्य प्रवाहात आणावे‎

‎ महिला ही काटक, संयमी.‎ समंजस, प्रयत्नांची पराकाष्ठा‎ करारी असते. तिच्या अंगी जिद्द,‎ चिकाटी व प्रबळ आत्मविेशास‎ असतो. अशा अगाध शक्तीरूपी‎ महिलेस जर संधी दिली तर तिला‎ कला कौशल्य व चिकाटीला‎ सहाय्य केले तर ती अनेक क्षेत्रात‎ सक्रिय होईल. पर्यायाने देशाच्या‎ विकासात वाढ होईल. सर्वत्र‎ महिला दिन मोठ्या उत्साहात‎ झाला. परंतु समाजातील अनेक‎ घटकांतील महिला दुर्लक्षित आहेत.‎ अशा महिलांना समाजाच्या मुख्य‎ प्रवाहात आणण्याचे काम‎ महिलांनाचे करावयाचे आहे. त्यांना‎ आधार देऊन त्यांच्या पाठिशी‎ खंबीरपणे उभे राहिले पाहिजे.

आज‎ आयडियल हेल्पिंग हॅण्ड‎ फाऊंडेशनने अशाच दुर्लक्षित‎ महिलांचा सन्मान करुन समाजहित‎ जोपासण्याचे काम केले असल्याचे‎ प्रतिपादन डॉ.मार्सिया वॉर्न यांनी‎ केले.‎ आयडियल हेल्पिंग हॅण्ड‎ फाऊंडेशनच्यावतीने धुणं-भांडी‎ करणाऱ्या विधवा महिलांचा‎ भेटवस्तू देऊन गौरव करण्यात‎ आला. याप्रसंगी डॉ. वॉर्न, डॉ.‎ शबनम शेख, नगरसेविका रुपाली‎ पारगे, शोभा खंडागळे,‎ फाउंडेशनच्या अध्यक्ष निर्मला‎ केदारी, सचिव संगिता साळवी,‎ उपाध्यक्ष मनिषा शिंदे, शिवाजी‎ जाधव, वैशाली पार्ले, पुष्पा जाधव,‎ प्रियेश वाघमारे, ऐश्वर्या कदम,‎ स्वप्ना वाघमारे, वृंदा वैरागर,‎ शुभांगी काळे, कोर मेंबर प्रिती‎ वाघमारे, मार्कस् तोरणे, वंदना‎ पवार, स्मिता भोसले, रेव्ह.सतीश‎ तोरणे आदि उपस्थित होते.

यावेळी‎ समाजसेविकांचाही मान्यवरांच्या‎ हस्ते गौरव करण्यात आला.‎ निर्मला केदारी म्हणाल्या, महिला‎ शिक्षित झाल्या, आपल्या कर्तृत्वाने‎ प्रगती करत आहेत. विविध क्षेत्रात‎ आपल्या कार्याने वेगळा ठसा‎ उमटवित आहेत. अशा महिलांचे‎ संघटन करुन आयडियल हेल्पिंग‎ हॅण्ड फाऊंडेशनच्या माध्यमातून‎ महिलांचा सर्वांगिण विकास‎ साधण्याचा प्रयत्न करण्यात येत‎‎‎‎‎‎‎‎‎‎‎‎‎‎‎‎ असतो. महिला दिनी धुणी-भांडी‎ करुन कुटूंबाला आर्थिक आधार‎ देण्याबरोबरच मुलांचे शिक्षण करत‎‎‎‎‎‎‎‎‎‎‎‎‎‎‎‎ आहेत. अशा महिलांचा सन्मान‎ करुन त्यांच्या अडचणी‎ सोडविण्याचा संघटनेने प्रयत्न केला‎‎‎‎‎‎‎‎‎‎‎‎‎‎‎‎ आहे. सूत्रसंचालन संगिता साळवी‎ यांनी, तर आभार मनिषा शिंदे यांनी‎ मानले.‎