पायीदिंडी‎:निमज ते पैठण पायी‎ दिंडीचे पिंपरणे येथे स्वागत‎

श्रीक्षेत्र निमज ते श्रीक्षेत्र पैठण पायीदिंडी‎ सोहळ्याचे पिंपरणे गावात आगमन झाले‎ असता, गावात दिंडीचे आगमन होताच‎ फटाके वाजवून त्यांचे स्वागत करण्यात आले.‎ माऊलीच्या नामाने व भजने करीत गावातील‎ भाविकही मोठ्या प्रमाणावर सहभागी झाले‎ होते.‎ निवृत्ती महाराज मतकर व रामनाथ‎ महाराज शेटे यांच्या मार्गदर्शनाखाली श्रीक्षेत्र‎ निमज येथून पायी दिंडी सोहळ्याचे प्रस्थान‎ झाले. दिंडीबरोबर आरोग्यसेवा, भोजन‎ व्यवस्था, पाणी या सर्व सुविधा बरोबर घेऊन‎ अतिशय शिस्तबध्द मार्गस्थ झाली.

पिंपरणे‎ येथे सायंकाळी दिंडीचे आगमन झाले. दिंडीचे‎ स्वागत गावातील उत्तम राहिंज, पत्रकार‎ सुभाष भालेराव, संतोष देशमुख, पो.पा.‎ विनोद साळवे, संतोष वाकचौरे, गोकुळ‎ काळे, सुरेश गाडेकर, भाऊराव आ. ठोंबरे,‎ सुधाकर कर्पे यांच्या हस्ते पूजन करण्यात‎ आले.‎ होळी सणानिमित्त दिंडीला पुरणपोळीचे‎ जेवण देण्यात आले. त्यासाठी काकासाहेब‎ गायकवाड, उपसरपंच अजित देशमुख,‎ संतोष वाकचौरे, संजय बागुल, कल्याण‎‎‎‎‎‎‎‎‎‎‎‎‎‎‎‎‎ जोर्वेकर, मंजाबापू साळवे, पोलिस पाटील‎ विनोद साळवे, भागवत ठोंबरे, दीपक अभंग,‎ गोकुळ काळे, उत्तम राहिंज, पत्रकार सुभाष‎ भालेराव, भाऊराव आ. ठोंबरे या ग्रूपच्या‎ वतीने देण्यात आले. गेल्या ७ वर्षांपासून हा‎ ग्रूप ही सेवा अखंडीतपणे करीत आहेत.‎ किशोर जोर्वेकर, राजेंद्र देशमुख, रवींद्र ठोंबरे,‎ सुभाष कर्पे, विलास काळे, राजेंद्र काळे,‎ सुनील दिवेकर यांनी वारकऱ्यांच्या सेवेत मदत‎ केली.‎