बेमुदत संप:परिचारिका संपावर; जिल्हा रुग्णालयात 12 डॉक्टरांनी दिली आरोग्य सेवा‎

जुन्या पेन्शन योजना लागू करावी या मागणीसाठी‎ सरकारी निमसरकारी कर्मचाऱ्यांनी मंगळवारपासून‎ बेमुदत संप सुरू केला आहे. या संपात नगर जिल्हा‎ शासकीय रुग्णालयातील परिचारिका, नर्सेस व‎ अन्य कर्मचारी देखील सहभागी झाले होते.‎ परिचारिका संपात सहभागी असताना जिल्हा‎ रुग्णालयात मंगळवारी १२ वैद्यकीय अधिकाऱ्यांनी‎ रुग्णसेवा प्रभावित होऊ नये म्हणून स्वत: सेवा देत‎ रुग्णांना आधार देण्याचा प्रयत्न केला.‎ परिचारिका संघटनेच्या अध्यक्षा सुरेखा आंधळे‎ यांच्या नेतृत्वाखाली जिल्हा रुग्णालयातील‎ परिचारिका तसेच अन्य तालुक्याच्या ग्रामीण‎ उपजिल्हा रुग्णालयातील परिचारिका संपात‎ सहभागी झाल्या होत्या.‎

संपादरम्यान वैद्यकीय सेवा विस्कळीत होऊ नये‎ सर्वसामान्य रुग्णांना रुग्णसेवा मिळावी या हेतूने‎ जिल्हा रुग्णालयात वरिष्ठ वैद्यकीय अधिकारी डॉ.‎ मनोज घुगे, डॉ.श्रीकांत पाठक, डॉ. संदीप कोकरे,‎ डॉ. प्रशांत तांदळे, डॉ. सचिन सोलट, डॉ. नीलेश‎ गायकवाड, डॉ. अरुण सोनवणे, डॉ. विक्रम‎ पानसंबळ, डॉ. जयदीप देशमुख, डॉ. संदीप बांगर,‎ डॉ. मंगेश राऊत, डॉ. प्रशांत तुवर, अशोक कराळे‎‎‎‎‎‎‎‎‎‎‎ यांच्यासह अन्य वैद्यकीय अधिकाऱ्यांनी उपस्थित‎ राहून सेवा दिली. जिल्हा रुग्णालयात संपाच्या‎ पार्श्वभूमीवर परिचारिका सेवेत नव्हत्या मात्र अन्य‎ अधिकारी व कर्मचाऱ्यांनी तातडीची सेवा म्हणून‎‎‎‎‎‎‎‎‎‎‎ केस पेपर व अन्य बाह्य रुग्ण कक्ष सुरूच ठेवले‎ होते. त्यामुळे शहरासह जिल्ह्याच्या ग्रामीण‎ भागातून आलेल्या रुग्णांना उपचार व वैद्यकीय‎ सेवा मिळाली. जुनी पेन्शन योजनेसाठी सरकारी‎‎‎‎‎‎‎‎‎‎‎ कर्मचाऱ्यांनी सुरू केलेल्या संपाला आमचा‎ पाठिंबा आहे, मात्र आम्ही या संपात सहभागी‎ होऊ शकत नाही. आज सकाळपासूनच जिल्हा‎ रुग्णालयात रुग्ण उपचारासाठी येत होते.‎‎‎‎‎‎‎‎‎‎‎ त्यांच्यावर नियमितपणे उपचार व औषधे‎ देण्यात आली. त्यामुळे वैद्यकीय सेवा ठप्प‎ झाली नाही, असे डॉ. मनोज घुगे यांनी‎ सांगितले.‎

राज्य शासनाविराेधात लढण्यासाठी आम्ही कर्मचाऱ्यांसोबत : संभाजी कदम‎
सरकारी, निमसरकारी कर्मचारी संघटनेने जुनी पेन्शन योजना लागू करावी यासाठी राज्यातील १४ मार्च‎ पासून संप सुरू केला आहे. त्यांच्या या संपास ठाकरे गटाच्या शिवसेनेचा जाहीर पाठींबा दिला‎ असल्याचे पत्र नगर शहर शिवसेना प्रमुख संभाजी कदम यांनी कर्मचारी संघटना यांच्याकडे दिले. कदम‎ म्हणाले, राज्य शासनाच्या विरोधात लढण्यासाठी आम्ही आपल्या बरोबर संपात सहभागी होऊन‎ सहकार्य करू अशी पत्राद्वारे जाहीर करतो व आपल्या संपास पाठींबा जाहीर करतो. यावेळी शिवसेना‎ नगरसवेवक सचिन शिंदे, शाम नळकांडे, प्रशांत गायकवाड आदी उपस्थित होते.‎