यात्रोत्सव:मढी येथील रंगपंचमी यात्रेसाठी‎ दहा टनांच्या बुंदी लाडूचा प्रसाद‎

मढी येथे चैतन्य कानिफनाथ यात्रेचा‎ रविवारी, १२ रोजी रंगपंचमी यात्रेचा मुख्य‎ दिवस आहे. कानिफनाथाचे दर्शनासाठी‎ येणाऱ्या भाविकांना मढीचे बुंदी लाडू‎ प्रसादाला मोठी मागणी असते. यात्रेची‎ संभाव्य विक्रमी गर्दी लक्षात घेता लाडू‎ विभाग दिवसरात्र काम करत असून‎ भाविकांसाठी सुमारे दहा टनाचे लाडू‎ तयार केले जातील, अशी माहिती‎ देवस्थानचे अध्यक्ष बबन मरकड यांनी‎ दिली.‎ कानिफनाथ यात्रेला होळीपासून‎ सुरुवात झाली आहे. दोन टप्प्यात होणारी‎ यात्रा यासाठी राज्याच्या विविध भागातून‎ लाखो भाविक दर्शनासाठी मढी या‎ ठिकाणी येत असतात. श्रीक्षेत्र मढी येथे‎ चैतन्य कानिफनाथांच्या दर्शनासाठी‎ येणाऱ्या भाविकांना मढीचे बुंदी लाडू‎ प्रसादाला मोठी पसंती असते. नाथांच्या‎ दर्शनानंतर घरी जाताना भाविक येथिल‎ लाडू प्रसाद अावर्जुन खरेदी करतात.‎

भाविकांची वाढती मागणी तसेच मढी‎ यात्रेची होणारी गर्दी लक्षात घेता मढी‎ देवस्थान समितीने तब्बल दहा टन लाडू‎ निर्मिती करण्याचे उद्दिष्ट ठेवून दिवसरात्र‎‎‎‎‎‎‎‎‎‎‎‎‎‎‎‎‎ काम सुरू आहे. भाविकांच्या‎ आग्रहाखातर कोरोनामुळे दोन वर्षांपासून‎ बंद पडलेला लाडूचा प्रसाद मात्र यंदाच्या‎ वर्षी हा लाडूचा प्रसाद भाविकांना‎ मिळणार आहे.‎ बुंदी गाळपापासून ते लाडू पॅकिंग‎ करण्याचे काम अतिशय वेगाने सुरू‎ आहे. मढी देवस्थानचे अध्यक्ष बबन‎ मरकड, उपाध्यक्ष सचिन गवारे, सचिव‎ विमल मरकड, कोषाध्यक्ष भाऊसाहेब‎ मरकड, विश्वस्त अर्जुन शिरसाठ, डॉ.‎‎‎‎‎‎‎‎‎‎‎‎‎‎‎‎‎ विलास मढीकर, रवींद्र आरोळे, शामराव‎ मरकड, सहसचिव शिवजित डोके‎ यांच्यासह सर्वच विश्वस्त मंडळ यात्रा‎ नियोजनासाठी रात्रंदिवस काम करत‎ आहेत.

लाडू प्रसाद बनवण्याची संपूर्ण‎ व्यवस्था केली जावून आवश्यक‎ सामग्रीसह अन्नछत्रालय येथे लाडू‎ बनवण्याचे काम अंतिम टप्प्यात आहे.‎ प्रसाद घरी इतरांना देण्यासाठी लाडू‎ प्रसाद घेण्यासाठी भाविकांची चढाओढ‎ असते. मढीला येणारे नाथ भक्त हावरी,‎‎‎‎‎‎‎‎‎‎‎‎‎‎‎‎‎ गुळ रेवडी, गुलाब रेवडी, तिळगुळ,‎ गुळाचा मलिदा, नारळ अशा विविध‎ प्रकारचा प्रसाद नाथांसाठी अर्पण केला‎ जातो. यात्रा उत्सवात याची मागणी‎ जास्त असल्याने तसेच दोन वर्ष‎ कोरोनाचे निर्बंध असल्यामुळे यात्रा‎ उत्सव निर्बंध लादले गेले होते. यावर्षी‎ मात्र कुठलेही निर्बंध नसल्याने लाडू‎ प्रसादाला मोठी मागणी असल्यामुळे‎ देवस्थान समितीने लाडू प्रसाद करण्याचे‎ काम रात्रंदिवस सुरू आहे.‎

कोरोनानंतर प्रथमच‎ लाडूप्रसाद केला सुरू‎
देवस्थानचे अध्यक्ष बबन मरकड‎ म्हणाले, दरवर्षी लाडू प्रसादाचा होणारा‎ तुटवडा लक्षात घेता संस्थानने लाडू‎ निर्मितीकडे विशेष लक्ष दिले.‎ भाविकांच्या आग्रहाखातर कोरोनामुळे‎ दोन वर्षांपासून बंद पडलेला लाडूचा‎ प्रसाद मात्र यंदाच्या वर्षी भाविकांसाठी‎ माफक दरात दिला जाईल. एकूण‎ भाविकांची गर्दी पाहता यंदा दहा टनाहून‎ अधिक लाडू विक्री होईल, असा अंदाज‎ आहे. यावेळी मोठ्या संख्येने भाविक‎ येण्याची शक्यता वर्तवण्यात आली.‎