कार्यक्रमाचे आयोजन‎:आमदार थोरात यांच्या वाढदिवसानिमित्त‎ संगमनेरमध्ये रविवारी ‘शिंदेशाही बाणा’‎

काँग्रेस विधिमंडळ पक्ष नेते, माजी‎ मंत्री आमदार बाळासाहेब थोरात‎ यांच्या वाढदिवसानिमित्त रविवारी‎ सायंकाळी ७.३० वाजता शहरातील‎ जाणता राजा मैदान येथे आनंद,‎ मिलिंद, आदर्श व उत्कर्ष शिंदे‎ यांच्या उपस्थितीत ‘शिंदेशाही‎ बाणा’ या कार्यक्रमाचे आयोजन‎ करण्यात आल्याची माहिती नामदार‎ बाळासाहेब थोरात मित्र मंडळने‎ दिली.‎

आमदार बाळासाहेब थोरात‎ सर्वसामान्यांचे नेते व सुसंस्कृत‎ नेतृत्व म्हणून राज्यभर लोकप्रिय‎ आहेत. विधानसभेत सलग ८ वेळा‎ निवडून येतमंत्रिमंडळात महसूल,‎ कृषी, शालेय शिक्षण, पाटबंधारे,‎ रोजगार हमी योजना, खारजमीन,‎ राजशिष्टाचार, जलसंधारण आदी‎ विभागांची खाती सांभाळली.‎ महसूल विभागाला हायटेक‎ बनवताना ‘लिमका बुक ऑफ‎ रेकॉर्ड’मध्ये नोंद केली.

शालेय‎ शिक्षण विभागात ‘बेस्ट ऑफ‎ फाईव्ह’चा निर्णय तर कृषी‎ विभागात एक लाख शेततळ्यांची‎ निर्मिती त्यांनी केली. काँग्रेसच्या‎ राष्ट्रीय वर्किंग कमिटीचे ते सदस्य‎ असून महाराष्ट्र विधिमंडळ पक्षाचे‎ ते नेते आहेत. काँग्रेसचे प्रदेशाध्यक्ष‎ म्हणून त्यांनी अत्यंत प्रभावी काम‎ करताना राज्यात काँग्रेसला पुन्हा‎ भरारी दिली. जिल्ह्याला वरदान‎ ठरणारे निळवंडे धरण पूर्ण करून‎ कालव्यांची कामे मार्गी लावली.‎ त्यांचा वाढदिवस राज्यात स्फूर्ती‎ दिन म्हणून साजरा होत असून‎ संगमनेर तालुक्यात ७ फेब्रुवारी‎ रोजी विविध कार्यक्रमांचे आयोजन‎ करण्यात आले आहे.

या निमित्त‎ ‘शिंदेशाही बाणा’ हा राज्यातील‎ लोकप्रिय कार्यक्रम प्रसिद्ध गायक‎ आनंद शिंदे, मिलिंद शिंदे, आदर्श‎ शिंदे व उत्कर्ष शिंदे यांच्या‎ उपस्थितीत अनमोल गीतांचा‎ नाजराणा सादर होणार आहे.‎ जाणता राजा मैदानावर कार्यक्रमाची‎ जय्यत तयारी सुरू असून मोठ्या‎ संख्येने संगमनेर तालुक्यातील‎ जनतेने उपस्थित राहावे, असे‎ आवाहन नामदार बाळासाहेब‎ थोरात मित्र मंडळाने केले आहे.‎