मिरवणूक‎:प्राणप्रतिष्ठा सोहळ्यानिमित्त नेवासे‎ शहरात श्रीदत्ताच्या मूर्तीची मिरवणूक‎

नेवासे शहरातील श्रीदत्त मंदिर‎ जीर्णोद्धार व प्राणप्रतिष्ठा‎ सोहळयाच्या निमित्ताने बुधवारी १‎ फेब्रुवारी रोजी भगवान‎ श्रीदत्तात्रयांच्या मूर्तीची वाजतगाजत‎ मिरवणूक काढण्यात आली. यावेळी‎ दिगंबरा, दिगंबराच्या जयघोषाने‎ नेवासेनगरी दुमदुमली.‎ नेवासे शहरातील‎ बाजारतळावरील पुरातन भगवान‎ दत्तात्रयांच्या मंदिराचा जीर्णोद्धार‎ श्रीक्षेत्र देवगड गुरुदेव दत्त पिठाचे‎ राष्ट्रीय संत महंत गुरुवर्य‎ भास्करगिरी महाराज यांच्या‎ मार्गदर्शनाखाली करण्यात आला.‎

त्यांच्याच प्रेरणेने येथे त्रिदिनात्मक‎ धार्मिक सोहळयाचे आयोजन‎ करण्यात आले असून बुधवारी‎ श्रीदत्त मूर्तीची पुष्पांनी सजवण्यात‎ आलेल्या रथातून मिरवणूक‎ काढण्यात आली. श्रीरामपूर‎ रोडवरील श्रीखोलेश्वर गणपती‎‎‎‎‎‎‎‎‎‎‎‎ मंदिरापासून मिरवणुकीस प्रारंभ‎ करण्यात आला.

मिरवणूक‎ नगरपंचायत चौक, डॉ. हेडगेवार‎ चौक, मारुती चौक, श्रीमोहिनीराज‎ मंदिर, औदुंबर चौक मार्गे काढण्यात‎ आली. या मिरवणुकीचे‎ चौकाचौकात फटाक्यांची‎ आतषबाजी करत तोफांची सलामी‎ देत स्वागत करण्यात आले.‎ मिरवणुकीत सर्व पक्षाचे‎ पदाधिकारी, नागरिक, महिला,‎ तरुण मंडळाचे कार्यकर्ते सहभागी‎ झाले होते. नेवासे येथील बाजार‎‎‎‎‎‎‎‎‎‎‎‎ तळावर असलेल्या श्रीदत्त मंदिर‎ प्रांगणात मिरवणुकीचा समारोप‎ करण्यात आला.

यावेळी उपस्थित‎ महिलांनी मूर्तीचे पंचारती ओवाळून‎ औक्षण केले. उपस्थित भाविकांचे‎ त्रिदिनात्मक धार्मिक सोहळा‎ समितीच्या वतीने आभार मानण्यात‎ आले. येथे त्रिदिनात्मक सोहळयात‎ शास्त्रोक्त पद्धतीने धार्मिक कार्यक्रम‎ होणार असून शुक्रवारी ३ फेब्रुवारी‎ रोजी गुरुवर्य भास्करगिरी बाबांच्या‎ हस्ते कलशारोहन करून‎ प्राणप्रतिष्ठा करण्यात आहे.‎