परीक्षा:पोलिस भरती : लेखी परीक्षेसाठी‎ 1  हजार 699 उमेदवार ठरले पात्र‎

मैदानी चाचणीनंतर पोलिस‎ भरतीसाठी लेखी परीक्षा जाहीर‎ करण्यात आली आहे. चालक‎ पदासाठी २६ मार्च, तर शिपाई‎ पदासाठी २ एप्रिलला लेखी परीक्षा‎ होणार असल्याची माहिती जिल्हा‎ पोलिस अधीक्षक राकेश ओला यांनी‎ दिली. मुंबई वगळता पूर्ण महाराष्ट्रात‎ एकाच वेळी लेखी परीक्षा होत आहे.‎ नगर जिल्हा पोलिस दलातील १०‎ चालक पदासाठी ९३ उमेदवार, तर‎ शिपाई पदाच्या १२९ जागांसाठी १६०६‎ असे १६९९ उमेदवार पात्र ठरले आहेत.‎ चालक व शिपाई अशा १३९‎ पदांसाठी भरती प्रक्रिया सुरू करण्यात‎ आली होती. एकूण ११२७८ अर्ज प्राप्त‎ झाले होते. त्यापैकी ६७०७ उमेदवारांना‎‎‎‎‎‎‎‎‎‎‎‎ मैदानी चाचणीसाठी हजेरी लावली.‎ ३६६९ उमेदवार गैरहजर राहिले. दोन‎ उमेदवारांनी हजर राहूनही चाचणी‎ देण्यास नकार दिला.

उपस्थित‎ उमेदवारांपैकी ६७२१ उमेदवार‎ जानेवारीच्या पहिल्या आठवड्यात‎ झालेल्या चाचणीसाठी पात्र ठरले.‎ त्यापैकी ३२७८ उमेदवार उत्तीर्ण झाले.‎‎‎‎‎‎‎‎‎‎‎‎ चालक पदाच्या १० जागांसाठी २१९‎ उमेदवार उत्तीर्ण झाले, तर शिपाई‎ पदाच्या १२९ जागेसाठी ३०५९ उमेदवार‎ उत्तीर्ण झाले होते. गुणानुक्रमानुसार‎ त्यांना लेखी परीक्षेसाठी पात्र ठरवले‎ गेले आहे. लेखी परीक्षा ९० मिनिटांची‎ व १०० गुणांची असेल. त्याचे स्वरूप‎ ''ऑब्जेक्टिव्ह'' असेल.‎

परीक्षेवर सीसीटीव्हीचा राहणार वॉच
‎लेखी परीक्षेचे ठिकाण अद्याप निश्चित झालेले नाही. पात्र उमेदवारांना‎ एमएच-आयटीकडून परस्पर हॉल तिकीट उपलब्ध केली जाणार आहेत. ज्या‎ शाळा, महाविद्यालय इमारतीत, खोल्यात सीसीटीव्ही कॅमेरे उपलब्ध आहेत, तेथे‎ परीक्षेची व्यवस्था केली जाणार आहे. अन्यथा प्रत्येक वर्गात स्वतंत्र‎ व्हिडिओग्राफर नियुक्त केला जाणार आहे. मैदानी चाचणीसाठी उपस्थित‎ असलेल्या उमेदवारांचे छायाचित्र व अंगठ्याचा ठसा पोलिसांनी नोंदवून घेतलेला‎ आहे. लेखी परीक्षेसाठी उपस्थित राहणारे उमेदवार तेच आहेत का, याची‎ खातरजमा केली जाणार आहे.‎