निवेदन‎:संगमनेरातील वाढते दरोडे, चोऱ्या‎ आणि गुन्हेगारीचा बंदाेबस्त करा‎

शहर व तालुक्यात वाढते दरोडे,‎ चोऱ्या व गुन्हेगारीमुळे दहशतीचे‎ वातावरण आहे. पोलिस यंत्रणा‎ तपास लावण्यात अपयशी ठरत‎ असल्याने त्यांच्या कारभारावर‎ संताप व्यक्त केला. वाढत्या‎ गुन्हेगारीवर नियंत्रण मिळवण्यासाठी‎ सक्षम पोलिस निरीक्षकाची येथे‎ नियुक्ती करावी व गुन्ह्याचा तपास‎ लावावा, अशी मागणी संगमनेर‎ व्यापारी असोसिएशनने पोलिस‎ उपअधिक्षक संजय सातव यांना‎ दिलेल्या निवेदनातून केली आहे.‎

२-३ महीन्यापासून संगमनेर शहर,‎ उपनगरे व परिसरात दरोडे, चोऱ्या‎ खून, लूटमार व अन्य गुन्ह्यात‎ लक्षणीय वाढ झाली आहे. वृध्द,‎ महीला व लहान मुलांवर जीवघेणे‎ हल्ले होत आहे. पोलिस‎ प्रशासनाचा वचक न राहिल्याने‎ गुन्हेगारी फोफावली आहे. गुन्हेगार‎ खुलेआम लूटमार करत आहे.‎ शस्त्राचा धाक दाखवून दहशत‎ निर्माण केली जात आहे. संगमनेरची‎ बाजारपेठ मोठी असल्याने‎ सध्याच्या लग्नसराईत येथे मोठी‎ आर्थिक उलाढाल होते. चोऱ्यांचे‎ प्रमाण वाढल्याने व्यापारी वर्गात‎ चिंता आहे. गुन्हेगारी रोखण्यासाठी‎ पोलिस प्रशासनाने कठोर पावले‎ उचलणे गरजेचे आहे.

पोलिस‎ उपअधीक्षक संजय सातव व‎ निरीक्षक राजेंद्र भोसले हे दोन्ही‎ अधिकारी प्रभारी असल्याने त्यांचा‎ प्रभाव पोलिस यंत्रणेवर पडताना‎ दिसत नाही. यासाठी येथे सक्षम‎ अधिकाऱ्याची गरज आहे. पोलिस‎ उपअधीक्षक राहुल मदने व‎ निरीक्षक मुकुंद देशमुख यांची‎ बदली झाल्यापासून गुन्हेगारीत‎ लक्षणीय वाढ झालेली पाहायला‎ मिळत आहे. शहर व तालुक्यात‎ घडलेले दरोडे, चोऱ्या व अन्य‎ गुन्ह्यांचा तपास लावावा. सक्षम‎ अधिकाऱ्यांची नेमणूक करावी.‎ आठवडाभरात कारवाई न झाल्यास‎ तीव्र आंदोलन करण्याचा इशारा‎ व्यापारी असोसिएशनचे अध्यक्ष‎ योगेश कासट, सचिव शरद गांडोळ,‎ जुगलकिशोर बाहेती, खजिनदार‎ अरुण शहरकर, माजी अध्यक्ष‎ श्रीगोपाळ पडतानी, शिरीष मुळे,‎ प्रकाश कलंत्री, प्रकाश राठी, नरेंद्र‎ चांडक, संजय कुठे, कपिल टाक,‎ प्रकाश वालझाडे, सदस्य व व्यापारी‎ वर्गाने सातव यांना दिला. वेळीच‎ कार्यवाही करून गुन्हेगारीचा‎ बंदोबस्त करण्याची मागणी केली.‎