राजकारण:खासदार विखे यांच्या कार्यक्रमात भाजप‎ आणि राष्ट्रवादीच्या कार्यकर्त्यांमध्ये राडा‎

श्रीगोंदे तालुक्यातील लोणी व्यंकनाथ‎ येथे नगर-दौंड रस्त्याच्या भूमिपूजन‎ कार्यक्रम समारंभात भाजप नगर दक्षिणचे‎ खासदार डॉ. सुजय विखे पाटील‎ यांच्यासमोर भाजपचे अॅड. बाळासाहेब‎ काकडे आणि राष्ट्रवादीचे प्रवीण कुमार‎ ऊर्फ बाळासाहेब नाहाटा या दोघांमध्ये‎ श्रेयवादावरून वाद निर्माण झाला. या‎ कार्यक्रमात राष्ट्रवादी आणि भाजपचे‎ कार्यकर्ते एकमेकांना भिडले.

यामुळे‎ कार्यक्रमात राडा झाल्याने एकच गोंधळ‎ उडाला. त्यामुळे खासदार डॉ. सुजय‎ विखे पाटील यांच्यासमाेर श्रेयवादाची ही‎ नामुष्की ओढवली. रविवारी सकाळी‎ साडेदहाच्या सुमारास हा प्रकार घडला.‎ नगर-दौंड रस्त्यावरील लोणी‎ व्यंकानाथ रेल्वे गेट ते लोणी गाव हा दोन‎ किलाेमीटर रस्ता अनेक वर्षांपासून अपूर्ण‎ होता. त्यामुळे अनेकांना अपघातात‎ आपला जीव गमावावा लागला.

या‎ कामाच्या पूर्तेतेसाठी अनेक आंदोलने‎ झाली. रास्ता रोको करण्यात आला.‎‎‎‎‎‎‎‎‎‎‎‎‎‎‎‎ लोकभावना व होणारे अपघात लक्षात‎ घेता खासदार डॉ. सुजय विखे पाटील‎ यांनी पाठपुरावा करून या रस्त्याच्या‎ कामासाठी केंद्रातून सुमारे ३.५ कोटी‎ रुपये मंजूर करून आणले. रविवारी‎ सकाळी १०.३० वाजता लोणी व्यंकानाथ‎ गावात खासदार डॉ. सुजय विखे यांच्या‎ हस्ते भूमिपूजन कार्यक्रम आयोजित‎ करण्यात आला होता.

या कार्यक्रमात‎‎‎‎‎‎‎‎‎‎‎‎‎‎‎‎ राष्ट्रवादी काँग्रेसचे पदाधिकारी तथा‎ राज्य बाजार समितीचे सदस्य‎ प्रवीणकुमार ऊर्फ बाळासाहेब नाहाटा‎ तसेच नागवडे सहकारी साखर‎ कारखान्याचे माजी संचालक भाजपचे‎ अॅड. बाळासाहेब काकडे यांचा खासदार‎ डॉ. विखे यांच्यासमोरच श्रेयवाद सुरू‎ झाला. काकडे, नाहाटा यांना उद्देशून‎ म्हणाले, राष्ट्रवादीचा भामटा म्हणतोय‎‎‎‎‎‎‎‎‎‎‎‎‎‎‎‎ विकास निधी मीच आणलाय. त्यावर‎ नाहाटा व नाहाटा समर्थक कार्यकर्ते‎ आक्रमक होऊन काकडे यांच्या दिशेने‎ धावले. त्यांनतर दोन्ही बाजूचे कार्यकर्ते‎ डॉ. विखे यांच्या समोरच शिवीगाळ‎ करत भिडले. भूमिपूजन कार्यक्रमात‎ गोंधळ उडाला. दरम्यान, तालुक्यात‎ भाजप- राष्ट्रवादी कार्यकर्त्यांतील‎ राड्याची चर्चा सुरू आहे.‎

खासदार सुजय विखे यांनी‎ कार्यक्रम घेतला अाटोपता‎ आमदार बबनराव पाचपुते व खासदार‎ डॉ. सुजय विखे यांनी पुढाकार घेऊन‎ नाहाटा व काकडे यांच्या कार्यकर्त्यांना‎ शांतता राखण्याचे आवाहन केले.‎ खासदार डॉ. सुजय विखे पाटील यांनी‎ सदर कार्यक्रम आटोपता घेतला.‎ खासदार डॉ. सुजय विखे यांच्या‎ कार्यक्रमांत अश्या प्रकारे भाजप आणि‎ राष्ट्रवादी काँग्रेसच्या कार्यकर्त्यांत राडा‎ झाल्याने श्रीगोंदे तालुक्यात उलटसुलट‎ चर्चांना उधाण आले आहे.‎