गौरव‎:राजश्री काळे-नगरकरांचा‎ लोककला संमेलनात गौरव‎

संगीत नाटक अकादमी, नवी दिल्ली व पु.‎ ल. देशपांडे महाराष्ट्र कला अकादमी, मुंबई‎ यांच्या संयुक्त विद्यमाने जागतिक महिला‎ दिनानिमित्त मुंबईतील प्रभादेवी येथील रवींद्र‎ नाट्य मंदिरात अखिल भारतीय महिला‎ लोककला संमेलन पार पडले. या समारंभात‎ नगरच्या सुप्रसिध्द लावणीसम्राज्ञी, तथा‎ सिनेअभिनेत्री राजश्री काळे-नगरकर यांचा‎ विशेष सत्कार करण्यात आला. लावणी‎ क्षेत्रातील उल्लेखनीय कामगिरीबद्दल महिला‎ व बालविकास मंत्री मंगलप्रभात लोढा यांच्या‎ हस्ते हा सन्मान करण्यात आला.‎ शालेय शिक्षणमंत्री दीपक केसरकर,‎ संगीत नाटक अकादमी व ‘डब्लू-२०’च्या‎ अध्यक्षा डॉ. संध्या पुरेचा, पु. ल. देशपांडे‎ महाराष्ट्र कला अकादमीचे प्रकल्प संचालक‎ संतोष रोकडे, मुंबई विद्यापीठातील शाहीर‎ अमर शेख अध्यासनचे प्रमुख डॉ. प्रकाश‎ खांडगे, लोककला अकादमीचे प्रमुख डॉ.‎ गणेश चंदनशिवे आदी या वेळी उपस्थित‎ होते.‎ लावणीसम्राज्ञी राजश्री नगरकर यांनी‎ अकलूजच्या राज्यस्तरीय लावणी‎ महोत्सवात सलग ३ वर्षे प्रथम क्रमांकाचे‎ पारितोषिक पटकावले आहे.

तसेच ‘बरखा‎ सातारकर'' या मराठी चित्रपटातील मुख्य‎ भूमिकेसाठी त्यांना महाराष्ट्र शासनाचा‎ सर्वोत्कृष्ट अभिनेत्रीचा पुरस्कार मिळालेला‎ आहे. महाराष्ट्रातील अनेक लावणी‎ महोत्सवाबरोबरच त्यांनी जपान, नेदरलँड,‎ रशिया, इंडोनेशिया, न्युझीलंडमध्येही‎ महाराष्ट्राची अस्सल पारंपरिक लावणी सादर‎ केली आहे.‎ तसेच, प्रजासत्ताक दिनानिमित्त नवी‎ दिल्ली येथील लाल किल्ल्यावर झालेल्या‎ कार्यक्रमात महाराष्ट्राची पारंपरिक‎ लावण्यांचा जिवंत देखावा त्यांनी सादर केला‎ होता. सुपे येथील कालिका लोकनाट्य‎ सांस्कृतिक कला केंद्राच्या माध्यमातून त्या‎ लावणी सादर करीत असतात. त्यात त्यांना‎ भगिनी आरती काळे नगरकर व इतर महिला‎ लावणी कलावंतांचे साहाय्या होते.‎ ज्येष्ठ चित्रपट दिग्दर्शक राजदत्त यांच्या‎ अध्यक्षतेखाली झालेल्या या परिसंवादात‎ सिनेनृत्य दिग्दर्शक सुभाष नकाशे, सोनिया‎ परचुरे, डॉ. प्रकाश खांडगे, डॉ. गणेश‎ चंदनशिवे आदी सहभागी झाले होते. मृण्मयी‎ भजक यांनी परिसंवादाचे सूत्रसंचालन केले.‎