कर्नाटकात भाजपच!:चूक कळली असावी, म्हणूनच ठाकरे‎ शनिदेवाच्या दर्शनाला आले : आ. राम शिंदे‎

गेल्या विधानसभा निवडणुकीत भाजप‎ -शिवसेना युतीला बहुमत मिळाले‎ असतानाही आम्हाला सोडून दुसऱ्या बरोबर लग्नगाठ बांधणारे उद्धव ठाकरे यांनी‎ नैतिकतेच्या गप्पा मारू नये, त्यांना ते शोभत‎ नाही. अगोदर त्यांनीच नैतिकता घालवली. ‎यातूनच ते शनिदेवाला का आले ? हे समजून ‎घ्यावे. त्यांना त्यांची चूक कळली असावी,‎ असा टोला भाजपचे प्रदेश प्रवक्ते तथा विधान ‎ ‎परिषदेचे आमदार प्रा. राम शिंदे यांनी माजी‎ मुख्यमंत्री ठाकरे यांना लगावला.‎

कर्नाटकमध्ये भाजपचे सरकार बहुमतात‎ येईल, असा विश्वासही त्यांनी व्यक्त केला.‎ जिल्हाधिकारी कार्यालयात पुण्यश्लोक‎ अहिल्यादेवी होळकर यांच्या चोंडी‎ (ता.जामखेड) येथे होणाऱ्या २९९‎ जयंतीनिमित्त आयोजित शासकीय‎ कार्यक्रमानिमित्त पूर्व तयारी आढावा‎ बैठकीनंतर ते पत्रकारांशी बोलत होते.‎

काय म्हणाले शिंदे?

शिंदे म्हणाले, कर्नाटक राज्यात‎ विधानसभा निवडणुका पार पडल्या. शनिवारी‎ निकाल जाहीर होणार आहे. कर्नाटकमध्ये‎ १२५ते १३५ जागा मिळवून भाजप बहुमतात‎ सत्तेवर येईल. कर्नाटक विधानसभा‎ निवडणुकीत अनकल या विधानसभा‎ मतदारसंघाची जबाबदारी माझ्यावर होती.‎ प्रभारी म्हणून मी तिथे काम केले होते. उद्धव‎ ठाकरे यांनी नैतिकतेच्या गप्पा मारू नये.‎ जनतेशी गद्दारी करून त्यांनी मुख्यमंत्रिपद‎ घेतलं, त्यामुळे त्यांच्या मागे शनिदेव लागला‎ आहे, अशी टीकाही शिंदे यांनी केली.

राज्य‎ सरकारला आता कुठलीच अडचण नाही,‎ त्यामुळे मुख्यमंत्री एकनाथ शिंदे, उपमुख्यमंत्री‎ देवेंद्र फडणवीस लवकरच मंत्रिमंडळाचा‎ विस्तार करतील, असेही ते म्हणाले.‎
मुख्यमंत्री, उपमुख्यमंत्री‎ ३१ मेला चोंडीत

मुख्यमंत्री, उपमुख्यमंत्री‎ ३१ मेला चोंडीत‎ ३१ मे राेजी चौंडी येथे अहिल्यादेवी होळकर‎ यांच्या होणाऱ्या जयंतीसाठी मुख्यमंत्री‎ एकनाथ शिंदे, उपमुख्यमंत्री देवेंद्र फडवणीस‎ यांच्यासह केंद्रीय मंत्री ज्योतिरादित्य शिंदे‎ यांच्यासह होळकर घराण्याचे वंशज तिसरे‎ युवराज राजे होळकर या कार्यक्रमासाठी‎ उपस्थित राहणार आहेत. वाढत्या उष्णतेचा‎ प्रकोप लक्षात घेऊन कार्यक्रम स्थळावर‎ पाणी, जेवण व अन्य बाबी लक्षात घेऊन‎ नियोजन करण्यात येणार आहे, असे शिंदे‎ यांनी सांगितले.‎

बैठकीसाठी माजी मंत्री अण्णासाहेब डांगे,‎ जिल्हाधिकारी सिद्धाराम सालीमठ, जिल्हा‎ परिषदेचे मुख्य कार्यकारी अधिकारी आशिष‎ येरेकर, सार्वजनिक बांधकाम विभागाचे‎ अधीक्षक अभियंता अंकुश पालवे आदी‎ यावेळी उपस्थित होते.‎