घोषणा:जिल्हा बँकेत 700 रिक्त जागांवर भरती‎

जिल्हा सहकारी बँकेच्या‎ आवारातील छत्रपती शिवाजी‎ महाराजांच्या पुतळ्यास पुष्पहार‎ अर्पण केल्यावर बँकेच्या सभागृहात‎ स्व. भाऊसाहेब थोरात यांच्या‎ प्रतिमेस अभिवादन करून नवे‎ अध्यक्ष व भाजपचे माजी आमदार‎ शिवाजी कर्डिले यांनी पदभार‎ स्वीकारला. पहिल्या टप्प्यात‎ बँकेतील ७०० रिक्त जागांची भरती‎ करण्याची घोषणाही त्यांनी‎ पत्रकारांशी बोलताना केली.‎ याबाबत विभागीय आयुक्तांना‎ प्रस्ताव पाठवला आहे व ही भरती‎ शासनाद्वारे होण्यासाठी मुख्यमंत्री‎ एकनाथ शिंदे व उपमुख्यमंत्री देवेंद्र‎ फडणवीस यांना भेटणार असल्याचे‎ त्यांनी सांगितले.‎ अध्यक्ष कर्डिले यांनी मंगळवारी‎‎‎‎‎‎‎‎‎‎‎ पदभार स्वीकारला. बँकेचे मुख्य‎ कार्यकारी अधिकारी रावसाहेब वर्पे‎ यांनी ही प्रक्रिया पूर्ण केली.

यावेळी‎ संचालक अण्णासाहेब म्हस्के,‎ सीताराम गायकर, माजी आमदार‎ भानुदास मुरकुटे, प्रशांत गायकवाड,‎ संचालिका अनुराधा नागवडे,‎ अमित भांगरे, अंबादास पिसाळ,‎ अमोल राळेभात, माजी संचालक‎ संपत म्हस्के, रावसाहेब पाटील‎ शेळके, दत्तात्रय पानसरे तसेच‎‎‎‎‎‎‎‎‎‎‎ बाळासाहेब साळुंके, राजेंद्र नागवडे,‎ बाबासाहेब भोस, मीनाक्षीताई पठारे,‎ सुरेश पठारे आदी उपस्थित होते.‎ जिल्हा बँकेच्या सुमारे बाराशेवर‎ जागा रिक्त आहेत. राष्ट्रीयीकृत व‎ खासगी बँका आता ग्राहकांच्या‎ दारात जात आहेत. या तुलनेत‎ जिल्हा बँकेच्या जिल्हाभर शाखा‎ असल्या तरी पुरेसे कर्मचारी नाहीत.‎ त्यामुळे शेतकरी सभासदांना विविध‎ सेवा देण्यास अडचणी येतात.‎ म्हणून पहिल्या टप्प्यात ७०० जागा व‎ दुसर्‍या टप्प्यात ५०० जागा भरण्याचे‎ नियोजन आहे.

राज्य सरकारच्या‎ यंत्रणेद्वारे ही भरती करण्याचा प्रयत्न‎ आहे व तशी झाली नाहीतर बँकेद्वारे‎ पारदर्शीपणे केली जाईल व या‎ भरतीमध्ये जिल्ह्यातील उमेदवारांना‎ सर्वाधिक प्राधान्य दिले जाईल, असे‎ अध्यक्ष कर्डिले यांनी जाहीर केले.‎ जिल्ह्यात १४ साखर कारखाने‎ आहेत व मी कारखानदार जरी‎ नसलो तरी हे सर्व कारखाने सुरळीत‎ चालावे यासाठी माझे नेहमी प्रयत्न‎ राहिले आहेत. कारखान्यांच्या‎ मदतीबाबत बँकेच्या संचालक‎ मंडळात काही मतभेद झाले, पण मी‎ पुढाकार घेऊन मदत केली म्हणून‎ मी बँकेचा अध्यक्ष झालो, असे‎ सूचक भाष्यही त्यांनी अगस्ती‎ कारखान्याच्या मदत निर्णयाच्या‎ अनुषंगाने केले.‎