गोवंशीय सुटका‎:कत्तलीसाठी नेल्या जाणाऱ्या‎ 38 गोवंशीय जनावरांची सुटका‎

पिकअपमध्ये भरून कत्तलीसाठी घेऊन‎ जाणार्‍या ३८ लहान-मोठ्या गोवंशीय‎ जनावरांची सुटका एमआयडीसी‎ पोलिसांनी केली. ९० हजार रुपयांची‎ जनावरे व साडेतीन लाखांचा पिकअप‎ (एमएच १७ बीडी ४१८२) असा चार‎ लाख ४० हजारांचा मुद्दमाल ताब्यात‎ घेतला आहे.‎ शनिवारी रात्री साडे नऊ वाजता‎ एमआयडीसीतील सह्याद्री चौकात ही‎ कारवाई केली.

या प्रकरणी संगमनेर‎ शहरातील तिघांविरूध्द एमआयडीसी‎ पोलिस ठाण्यात गुन्हा दाखल करण्यात‎ आला असून दोघांना अटक केली‎ आहे. अंमलदार सुरेश बबन सानप यांनी‎ फिर्याद दिली आहे. मोसिन अन्वर‎ कुरेशी (वय ३२), इजाज जलिल‎ कुरेशी (वय ३३, दोघे रा. भारतनगर,‎ संगमनेर) व आक्रम अहमद कुरेशी‎ (रा. जमजम कॉलनी, संगमनेर) अशी‎ गुन्हा दाखल झालेल्यांची नावे आहेत.‎ त्यातील मोसिन अन्वर कुरेशी व इजाज‎ जलिल कुरेशी यांना अटक केली आहे.‎ सहायक निरीक्षक युवराज आठरे व‎ त्यांच्या पथकातील अधिकारी,‎ अंमलदारांनी ही कारवाई केली आहे.‎

दरम्यान, शुक्रवारी रात्रीच काही गोमाता‎ स्वयंमसेवकांनी शेंडी बायपास (ता.‎ नगर) चौकात तीन टेम्पोतून‎ कत्तलीसाठी जाणार्‍या ५९ म्हशी‎ पकडल्या होत्या. यानंतर पुन्हा शनिवारी‎ कत्तलीसाठी जाणारे गोवंशीय जनावरे‎ पकडल्याने नगर शहरातून मोठ्या‎ प्रमाणात कत्तलीसाठी जनावरे जात‎ असल्याचे समोर आले आहे.‎