आंदोलन:राहुरी पालिकेविरोधात निवृत्त कर्मचाऱ्यांचे उपोषण‎

नगरपालिका प्रशासनाकडून अन्याय होत‎ असल्याचा आरोप करीत २३ सेवानिवृत्त‎ कर्मचारी गुरुवारपासून (२ फेब्रुवारी)‎ पालिका कार्यालयासमोर बेमुदत आमरण‎ उपोषणास बसले आहेत.‎ आंदोलक निवृत्त कर्मचाऱ्यांनी‎ दिलेल्या निवेदनात म्हटले आहे, की‎ राहुरी नगरपरिषद कामगार क्रेडीट‎ को-ऑप. सोसायटीकडील‎ कर्जवसुलीसाठी पालिकेतील २३‎ सेवानिवृत्त कर्मचाऱ्यांची‎ सेवानिवृत्तीविषयक रजा रोखीकरण‎ रकमेबाबत (उपदाने) संबंधित‎ कर्मचाऱ्यांची कोणतीही पूर्वसंमती‎ घेतलेली नाही. तसेच, याबाबत संबंधित‎ सोसायटीने कोणतीही लेखी सूचना‎ नगरपरिषदेचे मुख्याधिकारी या नात्याने‎ कर्मचाऱ्यांना दिलेली नाही.

असे‎‎‎‎‎‎‎‎‎‎‎‎‎ असताना, २३ सेवानिवृत्त कर्मचाऱ्यांची‎ सेवानिवृत्तीविषयक रजा रोखीकरण‎ रक्कम (उपदाने) बेकायदेशीरपणे कपात‎ करण्यात आली. सद्य:स्थितीत‎ अवसायनात असलेल्या नगरपरिषद‎ सोसायटीकडे वर्ग करण्यात आली आहे.‎ राहुरी नगरपरिषद प्रशासनाचे हे धोरण‎ पुर्णत: बेकायदेशीर व संबंधित २३‎‎‎‎‎‎‎‎‎‎‎‎‎ सेवानिवृत्त कर्मचाऱ्यांवर अन्यायकारक‎ आहे. त्यामुळे संबंधित कर्मचाऱ्यांना‎ अनेक आर्थिक अडचणींना सामोरे जावे‎ लागत आहे.‎ पालिकेतील २३ सेवानिवृत्त कर्मचारी‎ व त्यांच्या कुटुंबीयांनी २ फेब्रुवारीपासून‎ नगरपालिका कार्यालयासमोर बेमुदत‎ आमरण उपोषण सुरू केले आहे.‎‎‎‎‎‎‎‎‎‎‎‎‎ उपोषणात सेवानिवृत्त कर्मचारी वसंत‎ लाहुंडे, एकनाथ जगधने, प्रल्हाद‎ भारसकर, विजय गायकवाड, लता‎ मिसाळ, पोपट गायकवाड, नवनाथ‎ घोडेकर, उत्तम दाभाडे, बापूसाहेब‎ धनवटे, बाळासाहेब दाभाडे आदींसह‎ २३ निवृत्त कर्मचारी सहभागी झाले‎ आहेत.‎

लेखी खुलासा करण्यास विलंब‎सेवानिवृत्त कर्मचाऱ्यांनी‎ जिल्हाधिकाऱ्यांकडे १७ ऑक्टोबर २०२२‎ रोजी लेखी तक्रार दाखल केलेली आहे.‎ याबाबत १५ डिसेंबर २०२२ पर्यंत खुलासा‎ सादर करण्याचे आदेश‎ जिल्हाधिकाऱ्यांनी दिले होते. मात्र,‎ आतापर्यंत वरिष्ठ अधिकाऱ्यांनी‎ कोणताही लेखी खुलासा सादर केलेला‎ नाही.‎ सेवानिवृत्ती विषयक रजा रोखीकरण रक्कम (उपदाने) संबंधित राहुरी नगर परिषद‎ प्रशासनाकडुन होत असलेल्या अन्यायाच्या निषेधार्थ सेवानिवृत्त २३ कर्मचाऱ्यांचे‎ नगरपरिषद कार्यालया समोर उपोषण सुरू केले.‎