सल्ला:मार्च अखेरपर्यंत शहरातील रस्ते‎ गुळगुळीत दिसतील : कवडे‎

सर्वसामान्य कुटुंबातून वर येत मला‎ जनतेच्या आशीर्वादानेच स्थायी‎ समितीचे सभापतिपद मिळाले आहे.‎ मिळालेल्या संधीचे सोनं करत नगर‎ शहराच्या विकासात भर पडेल‎ असेच काम करणार आहे. नगर‎ शहरातील रस्त्यांच्या दुरावस्थे बाबत‎ नागरिक आता जाहीरपणे बोलू‎ लागले आहेत. शहरातील सर्व‎ प्रमुख रस्त्यांचे कामे सुरु झाली‎ आहे. मार्च अखेरीस सर्व रस्ते‎ डांबराने गुळगुळीत झालेले‎ दिसतील.

सभा पती म्हणून‎ पहिल्याच बैठकीत काही महत्त्वाचे‎ निर्णय घेणार आहे, नगरच्या जुन्या‎ आठवणी पुन्हा जागृत होतील, असे‎ कामे करणार आहे,असे अाश्वासन‎ मनपा स्थायी समितीचे नूतन सभा‎ पती गणेश कवडे यांनी दिले.‎ तेलीखुंट येथे लोढा परिवाराच्या‎ वतीने मर्चंट बँकेच्या नवनिर्वाचित‎ संचालक मंडळाचा व स्थायी‎‎‎‎‎‎‎‎‎‎ समितीचे नूतन सभा पती कवडे‎ यांचा सत्कार करून अभिनंदन‎ करण्यात आले.

यावेळी सत्काराला‎ उत्तर देताना कवडे बोलत होते.‎ यावेळी मर्चंट बँकेचे नूतन संचालक‎ आनंदराम मुनोत, संजय गांधी,‎ प्रमिला बोरा, मीना मुनोत, संजय‎ चोपडा, मोहन बरमेचा, संजय बोरा,‎ विजय कोथिंबीरे, सुभाष बायड,‎ कमलेश भंडारी तसेच शहर बँकेचे‎ नूतन संचालक निखील नहार यांचा‎ सत्कार करण्यात आला. यावेळी‎ ज्येष्ठ नेते वसंत लोढा, पोपट लोढा,‎ प्रमोद सोलंकी, शिवसेना शहर‎ प्रमुख दिलीप सातपुते आदी‎‎‎‎‎‎‎‎‎‎ उपस्थित होते.‎

वसंत लोढा म्हणाले, नगरच्या‎ उद्योग क्षेत्राला, बाजारपेठेला व‎ व्यापाऱ्यांना मर्चंट बँकेचे मोठे‎ सहकार्य आहे. पारदर्शी कामामुळे‎ मर्चंट बँकेत उत्तम बँकिंग होत‎ असल्याने सभासदांचा विश्वास‎ सत्ताधारी जनसेवा मंडळाने‎ जिंकला आहे. सभा पती गणेश‎ कवडे यांना कमी कालावधी‎ मिळला आहे. या संधीचे सोनं करत‎ त्यांनी थांबलेल्या शहर विकासास‎ चालना द्यावी. विकासाच्या कामात‎ कोणाचाही हस्तक्षेप होवू देवू नका,‎ असा सल्ला त्यांनी दिला.‎