निवड:नामदार चषक टेनिस क्रिकेट स्पर्धेमध्ये‎ घुलेवाडीचा साई छत्रपती संघ मानकरी‎

ग्रामीण भागातील युवकांमध्ये‎ गुणवत्ता आहे. आंतरराष्ट्रीय‎ पातळीवर खेळण्याची त्यांच्यात‎ क्षमता आहे. क्रिकेटमध्ये‎ संगमनेरचा अजिंक्य रहाणे यांनी‎ मोठे नाव केले. आश्वीची पूनम‎ खेमनर हिची आयपीएल संघात‎ निवड झाली, हे अभिमानास्पद‎ आहे. राजवर्धन युथ फाऊंडेशनच्या‎ स्पर्धेचा लौकिक राज्यात वाढत‎ आहे. खेळातून सांघिक भावना‎ वाढीस लागते. या स्पर्धेत राज्यातील‎ खेळाडू सहभागी होतील, असा‎ विश्वास आमदार बाळासाहेब‎ थोरात यांनी व्यक्त केला.‎ राजवर्धन युथ फाऊंडेशनच्या‎ वतीने आयोजित नामदार चषक‎ २०२३ स्पर्धेच्या पारितोषिक वितरण‎ समारंभात आमदार थोरात बोलत‎ होते.

कांचन थोरात, डॉ. जयश्री‎ थोरात, उद्योगजक राजेश‎‎‎‎‎‎‎‎‎‎ मालपाणी, डॉ. हसमुख जैन, के.‎ के. थोरात, नवनाथ अरगडे, रामहरी‎ कातोरे, शतानंद खामकर, निखिल‎ कातोरे, अजय फटांगरे, गोरख कुटे,‎ योगेश भालेराव यावेळी उपस्थित‎ होते. घुलेवाडीच्या साई छत्रपती‎ राहुल राऊत इलेव्हन संघाने नामदार‎ चषक पटकावला. अंतिम सामन्यात‎ घुलेवाडी येथील साई छत्रपती राहुल‎ राऊत ११ संघाने वडगावपानच्या‎ आयुष्य संघावर १ धावेने मात केली.‎ घुलेवाडी संघाने ६ षटकात ५८ धावा‎ तर आयुष्य संघाला ५७ धावा‎ केल्या. घुलेवाडीच्या अमोल दुबे‎‎‎‎‎‎‎‎‎‎ याने गोलंदाजी व फलंदाजीत‎ कौशल्य दाखवत ''मॅन ऑफ द‎ मॅच'' पुरस्कार मिळवला.

घुलेवाडी‎ संघाला १ लाख २१ हजार रुपये व‎ ट्रॉफी देऊन गौरविण्यात आले. तर‎ संघ मालकास पल्सर गाडी देण्यात‎ आली. उपविजेत्या संघासह तृतीय‎ व चतुर्थ संघाला रोख रक्कम व‎ चषक देण्यात आले. मॅन ऑफ द‎ सिरीज, उत्कृष्ट फलंदाज,‎ गोलंदाज, क्षेत्ररक्षक, खेळाडू, संघ‎ व सर्वाधिक षटकार, विकेट हॅट्रिक,‎ निर्धाव षटक टाकणाऱ्या खेळाडूंना‎ पुरस्कार देण्यात आले.‎