नामावस्थेत‎ विलीन:संतांनी जगाच्या कल्याणाचा‎ विचार केला : चितळे महाराज‎

श्री ब्रह्मचैतन्य गोंदवलेकर महाराज नामात‎ जन्माला आले, नामात जीवन जगले.‎ आयुष्यभर सर्वांना नाम देत देत नामावस्थेत‎ विलीन झाले. सर्व संतांनी जगाच्या‎ कल्याणाचा विचार केला, असे निरुपण‎ पनवेलचे श्रीरामबुवा चितळे यांनी केले.‎ बालिकाश्रम रोडवरील श्री ब्रह्मचैतन्य‎ गोंदवलेकर महाराज उपासना संस्थान मध्ये‎ श्री ब्रह्मचैतन्य गोंदवलेकर महाराज‎ जन्मोत्सव प्रसंगी चितळे यांचे कीर्तन झाले.‎

त्यावेळी चितळे बोलत होते. यावेळी आनंद‎ कुलकर्णी यांनी तबल्यावर, तर अनुजा‎ कुलकर्णी यांनी हार्मोनिअमवर साथ संगत‎ दिली. चितळे म्हणाले, आजकाल व्यवहार‎ जास्तीचा पाळला जातो. अंतरीचे प्रेम कमी‎ झाले आहे. येणारा काळ विचित्र असणार‎ आहे. पूर्वी अथर्वशीर्ष, रामरक्षा,भीमरूपी,‎ पुरूषसुक्त, पावकी निमकी दिडकी सगळे‎ तोंडपाठ होते. आता सगळीकडे पाट झाले‎ आहे. कारण आज पूर्वीसारखी वडीलधारी‎ माणसे राहिली नाहीत. कोणत्याही प्रकारचा‎ धाक राहिला नाही.‎