प्रतिपादन:स्व. राठोडांनी सामान्यांसाठी‎ संपूर्ण आयुष्य वेचले : कदम‎

नगर शहराच्या विकासात स्व.अनिल‎ राठोड यांचे मोठे योगदान राहिले‎ आहे. सर्वसामान्यांना न्याय‎ देण्यासाठी त्यांनी आपले आयुष्य‎ वेचले. त्यांनी आमदारकीच्या २५‎ वर्षांच्या कार्यकाळात विविध विकास‎ कामे करुन नगर शहराला एक वेगळी‎ ओळख निर्माण करुन दिली. सर्व‎ समाज घटकांना न्याय देण्याचा त्यांनी‎ प्रयत्न केला. हिंदूहृदयसम्राट‎ बाबासाहेब ठाकरे यांचे खंदे समर्थक‎ म्हाणी ते परिचित होते. नगर मध्ये‎ शिवसेनेच्या उभारणीत त्यांचे सर्वात‎ मोठे योगदान राहिले आहे. त्यांचे‎ विचार आपण पुढे नेणे हीच त्यांना‎ श्रद्धांजली ठरणार आहे, असे‎ प्रतिपादन शिवसेना शहरप्रमुख‎ संभाजी कदम यांनी केले.‎

माजी आमदार शिवसेना उपनेते‎ स्व.अनिल राठोड यांच्या‎ जयंतीनिमित्त शिवालय येथे त्यांच्या‎ प्रतिमेस पुष्पहार अर्पण करुन‎ अभिवादन करण्यात आले. याप्रसंगी‎ महापौर रोहिणी शेंडगे, शहरप्रमुख‎ संभाजी कदम, स्थायी समिती‎ सभापती गणेश कवडे, माजी महापौर‎ भगवान फुलसौंदर, सुरेखा कदम,‎ माजी विरोधीपक्ष नेते संजय शेंडगे,‎ माजी उपमहापौर अनिल बोरुडे,‎ नगरसेवक शाम नळकांडे, सचिन‎ शिंदे, प्रशांत गायकवाड, संतोष‎ गेनप्पा, दत्ता जाधव, दीपक खैरे,‎ सुरेश तिवारी, संदिप दातरंगे, अरुणा‎ गोयल, पारुनाथ ढोकळे, दिपक‎ कावळे, गौरव ढोणे, अभिजित‎ अष्टेकर, रमेश खेडकर आदि‎ उपस्थित होते.‎ याप्रसंगी महापौर रोहिणी शेंडगे‎ म्हणाल्या, स्व.अनिलभैय्या राठोड‎ यांनी महिलांना सन्मान मिळवून देऊन‎ त्यांच्यात आत्मविश्वास निर्माण‎ करण्याचे काम केले. शिवसेनेच्या‎ माध्यमातून महिलांच्या प्रश्नांना त्यांनी‎ नेहमीच प्राधान्य दिले. सर्व घटकांच्या‎ प्रश्नांसाठी त्यांनी मोठा संघर्ष करत‎ त्यांचे प्रश्न सोडवले. त्यांची प्रेरणा‎ नेहमीच आपणा सर्वांना मार्गदर्शक‎ ठरेल, असे सांगितले.‎