प्रतिपादन‎:शंकरराव कोल्हे राज्याला समृद्ध करणारे द्रष्टे लोकनेते‎

शहर‎ माजी मंत्री, सहकारमहर्षी व संजीवनी उद्योग‎ समूहाचे संस्थापक स्व. शंकरराव कोल्हे यांनी‎ आयुष्यभर नि:स्वार्थी भावनेने जनसेवा करीत‎ जनसामान्यांच्या कल्याणासाठी आपला देह‎ झिजवला. स्व. कोल्हे हे महाराष्ट्राला समृद्ध‎ करणारे द्रष्टे लोकनेते व उत्तुंग व्यक्तिमत्त्व होते.‎ स्व. कोल्हे यांनी सामाजिक, राजकीय, कृषी,‎ सिंचन, सहकार, शैक्षणिक क्षेत्रात त्यांनी‎ केलेली कामगिरी अविस्मरणीय आहे, अशा‎ शब्दांत रामायणाचार्य रामराव ढोक महाराज‎ यांनी स्व. कोल्हे यांच्या कार्याचा गौरव केला.‎ माजी मंत्री व संजीवनी उद्योग समुहाचे‎ संस्थापक स्व. शंकरराव कोल्हे यांचा प्रथम‎ पुण्यस्मरण सोहळा रविवारी येथील संजीवनी‎‎‎‎‎‎‎‎‎‎‎‎‎ इंजिनिअरिंग कॉलेजच्या प्रांगणात आयोजित‎ केला होता.

याप्रसंगी महसूलमंत्री राधाकृष्ण‎ विखे, काँग्रेस नेते बाळासाहेब थोरात, आमदार‎ राम शिंदे, खासदार डॉ. सुजय विखे, खासदार‎ सदाशिव लोखंडे, आमदार आशुतोष काळे,‎ शिवाजी कर्डिले, आनंद महाराज, परमानंद‎‎‎‎‎‎‎‎‎‎‎‎‎ महाराज, रमेशगिरी महाराज यांनी माजी मंत्री‎ स्व. कोल्हे यांच्या कार्याचे कौतुक करून त्यांना‎ श्रद्धांजली अर्पण केली. या सोहळ्यास स्व.‎ शंकरराव कोल्हे यांच्या सहचारिणी सिंधुताई‎ कोल्हे, भगिनी सुमन पवार, कुसुम शिंदे,‎ नीलिमा पवार, स्नेहलता कोल्हे, दत्तात्रय कोल्हे,‎ सुरेश कोल्हे,अनिल कोल्हे,दिलीप‎ कोल्हे,रजनीश कोल्हे, वसंत कोल्हे, राजेंद्र‎ कोल्हे, सचिन कोल्हे, अमृता पवार, प्राची‎ पवार, मनाली कोल्हे, निकिता कोल्हे, रेणुका‎ कोल्हे, श्रद्धा कोल्हे उपस्थित होते. ज्येष्ठ नेते‎ दत्तात्रय कोल्हे, नितीन कोल्हे,बिपीन कोल्हे,‎ डॉ. मिलिंद कोल्हे, स्नेहलता कोल्हे,प्रणव‎ पवार, विवेक कोल्हे, अमित कोल्हे, सुमित‎ कोल्हे,इशांत कोल्हे,वेदांत कोल्हे व कोल्हे‎ परिवारातील सर्व सदस्यांनी उपस्थितांचे स्वागत‎ केले.

यावेळी स्व. शंकरराव कोल्हे यांच्या‎ स्मृतिप्रीत्यर्थ गोरगरिबांच्या सेवेसाठी कार्डियाक‎ रुग्णवाहिका, फिरता दवाखान्याचे लोकार्पण‎ करण्यात आले. काँग्रेस नेते थोरात म्हणाले,‎ सतत नव्या नव्या तंत्रज्ञान संशोधनाचा ध्यास‎ घेत माजी मंत्री स्व. शंकरराव कोल्हे यांनी‎ काळया आईबरोबरच शेतकऱ्यांचे उत्पन्न दुप्पट‎ कसे होईल हाच ध्यास जपला.‎