आव्हानांचा डोंगर‎:साईबाबा संस्थानचे नवे सीईओ पी.‎ शिवाशंकर, 'IAS’ ‎ ‎अधिकाऱ्यांच्या नियुक्तीबाबत ‎ ‎मतमतांतरे

देश-विदेशातील साईभक्तांचे श्रध्दास्थान‎ असलेल्या साईबाबा मंदिराचा कारभार‎ पाहण्यासाठी ‘आयएएस’ अधिकारी‎ नको, अशी ठाम भूमिका ग्रामसभेत‎ शिर्डी ग्रामस्थांनी घेतली होती. त्यानंतर‎ दुसऱ्याच दिवशी राज्य सरकारने पी.‎ शिवाशंकर या ‘आयएएस’‎ अधिकाऱ्यांची साई संस्थानच्या मुख्य‎ कार्यकारी अधिकारी म्हणून नेमणूक‎ केली.

त्यांनी तातडीने कार्यभार हाती‎ घेताना, भाविकांसाठी मुलभूत सुविधा,‎ सुकर दर्शन आणि भाविकांची‎ फसवणूक करणाऱ्या दलालांवर‎ कार्यवाही करण्याचे सूतोवाच केले.‎ शिवाय, संस्थानच्या रुग्णसेवेला‎ पुनर्वैभव प्राप्त करून देण्यासह प्रलंबित‎ विकासाचे प्रश्न मार्गी लावण्याचे मोठे‎ आव्हान नूतन ‘सीईओ’समोर असणार‎ आहे.‎

साईबाबा संस्थानवर ‘आयएएस’ ‎ ‎अधिकारी असावा की नसावा, यावर ‎ ‎ मतमतांतरे असून, त्यावर सरकार‎ निर्णय घेईल, परंतु पी. शिवाशंकर यांनी ‎ ‎ शिर्डीत येताच साईसंस्थानचा कार्यभार ‎ ‎ स्वीकारण्यापूर्वी कोणालाही ओळख न ‎ ‎ दाखवता, सामान्य भाविकांप्रमाणे ‎ ‎ दर्शनरांगेतून साईदर्शन घेतले. या‎ काळात तीन तास दर्शनरांगेच्या‎ प्रवेशद्वाराजवळ दलालाकडून‎ भाविकांची कशी फसवणूक होते,‎ मंदिरात होणारी रेटारेटी, कर्मचाऱ्यांचा‎ भाविकांबरोबर होणारा संवाद, याबाबत‎ त्यांनी पहिल्याच भेटीत निरीक्षणे‎ नोंदवली.

पुढील काळात भाविकांना‎ सुकर दर्शनाबरोबरच दलालांकडून‎ भाविकांची फसवणूक होणार नाही,‎ ‎यावर आपण विशेष लक्ष देणार‎ असल्याचे सूतोवाच करून त्यांनी‎ भाविकांचा विश्वास संपादन करण्यासह‎ संस्थान प्रशासनावर जरब बसवण्यासाठी‎ उचललेले पहिले पाऊल स्वागतार्ह आहे.‎

पी. शिवाशंकर हे कर्तबगार‎ अधिकारी म्हणून ओळखले जातात.‎ त्यामुळेच महसूलमंत्री राधाकृष्ण विखे‎ यांनी त्यांच्याकडे साईसंस्थानची‎ जबाबदारी सोपावली असावी.‎ ‎साईभक्तांसाठी पायाभूत सुविधांसह‎ येथील रेंगाळलेले विकास प्रकल्प मार्गी‎ लावण्याचे मोठे आव्हान त्यांच्यासमोर‎ आहे. साईभक्तांच्या दानातून श्रीमंत‎ असलेल्या साईबाबांच्या शिर्डीतील‎ विकासाचा अनुशेष दूर करण्यासाठी‎ विशेष प्रयत्नांची गरज आहे.‎

साईसंस्थानचा लेजर शो-गार्डन प्रकल्प‎ अनेक वर्षांपासून रेंगाळला आहे.‎ रुग्णसेवा अडचणीत असून,‎ ‎ ‎ ‎ ‎ ‎ ‎ ‎ ‎ ‎संस्थानच्या रुग्णालयात तज्ञ डॉक्टर व‎ सुविधा देण्याची गरज आहे. नवीन‎ दर्शनरांग प्रकल्प आणि शैक्षणिक‎ प्रकल्पाचे लवकरच लोकार्पण होणार‎ आहे. शैक्षणिक संकुलाची इमारत‎ आंतरराष्ट्रीय दर्जाची असली, तरी‎ गुणवत्ता अंतरराष्ट्रीय दर्जाची करावी‎ लागणार आहे.

साईसंस्थानमधील‎ कायम कर्मचाऱ्यांचे प्रश्न प्रलंबित‎ आहेत. तसेच कंत्राटी कर्मचाऱ्यांना‎ सेवेत कायम करण्याचा प्रश्न आहे.‎ रुग्णसेवेचा विस्तार आणि सुसज्ज‎ कॅन्सर हॉस्पिटल साईसंस्थानच्या‎ माध्यमातून सुरू करण्याचा निर्णय‎ झाला असताना, त्यावर अनेक‎ वर्षापासून कार्यवाही झालेली नाही.‎ नागपुरला नुकतेच सुसज्ज कॅन्सर‎ हॉस्पिटल सुरू झाले, त्याच धर्तीवर‎ शिर्डीतही अद्ययावत कॅन्सर हॉस्पीटल‎ व्हावे, असे शिर्डीकरांची मागणी आहे.‎

शिर्डीतील मुख्य रस्त्यांचे रुपडे लवकरच पालटणार‎ मंत्री विखे यांच्या पुढाकारातून शिर्डीच्या सौंदर्यीकरणासाठी राज्य सरकारने दोन‎ दिवसांपूर्वी ५२ कोटींचा निधी मंज़ूर केला असून, लवकरच त्या कामालाही सुरवात‎ होईल. त्यामुळे काही प्रमाणात शिर्डीतील मुख्य रस्त्यांचे रुपडे पालटणार आहे.‎ तसेच, शिर्डीत लेझर शो प्रकल्प सुरू करण्याबाबत विखे पाटलांनी मुख्यमंत्र्यांच्या‎ शिर्डी भेटीत आग्रह धरला होता. मुख्यमंत्र्यांनी त्यास सकारात्मकता दर्शवत निधी‎ उपलब्ध करून देण्याचे जाहीर केले आहे.‎