शिवजयंती:राहुरीत शिवसेनेच्या वतीने‎ शिवजयंती उत्साहात साजरी‎

पारंपरिक वाद्याचा गजर, जय भवानी जय‎ शिवराय या घोषणाबरोबरच युद्धातील‎ चित्तथरारक प्रात्यक्षिकाने उद्धव बाळासाहेब‎ ठाकरे शिवसेनेचे सह संपर्कप्रमुख रावसाहेब‎ खेवरे यांच्या मार्गदर्शनाखाली राहुरीत‎ तिथीप्रमाणे शिवजयंती साजरी करण्यात‎ आली. यानिमित्त राहुरी शहरात विविध‎ उपक्रमाचे आयोजन करण्यात आले होते.‎ शहरातील शनिमंदिराच्या प्रांगणात‎ रावसाहेब खेवरे यांच्या हस्ते रायगड येथून‎ पायी आणलेल्या ज्योतीचे पूजन करून‎ शिवजयंतीस प्रारंभ करण्यात आला. छत्रपती‎ शिवाजी महाराज यांच्या पुतळ्यास कृषी‎ उत्पन्न बाजार समितीचे माजी सभापती अरुण‎ तनपुरे, शिवसेना सह संपर्कप्रमुख रावसाहेब‎ खेवरे, पोलिस निरीक्षक घनश्याम डांगे,‎ सचिन म्हसे, गणेश खेवरे यांच्या हस्ते पुष्पहार‎ अर्पण करून पूजन करण्यात आले.

यावेळी‎ उपस्थित शिवसैनिकांनी जय भवानी, जय‎ शिवाजी या घोषणा देऊन परिसर दणाणून‎ टाकला. शनिमंदीर प्रांगणात संगमनेर येथील‎ श्रीगणेश पथकाच्या दांडपट्टा, लाठीकाठीसह‎ चित्तथरारक प्रात्यक्षिकांनी उपस्थितांच्या‎ डोळ्याचे पारणे फेडले. शिवसेनेच्या वतीने‎ सर्वत्र भगवे झेंडे लावून राहुरी शहरातील‎ वातावरण भगवेमय करण्यात आले होते.‎‎‎‎‎‎‎‎‎‎ जयंती कार्यक्रमासाठी शिवसेनेचे सचिन‎ म्हसे, संतोष येवले, अशोक खेवरे, राहुल‎ चोथे, सतीश माने, रमेश कोकाटे, अमोल‎ पवार, सुनील शेलार, गणेश खेवरे, विजय‎ शिरसाठ यांनी परिश्रम घेतले. यावेळी विलास‎ ढोकणे, हमीद पटेल, विठ्ठल सूर्यवंशी, प्रमोद‎ भट्टड, कैलास शेळके, ईश्वर ढोकणे, प्रमोद‎ शेटे, विक्रम पेरणे, संदीप म्हसे, नयन खेवरे,‎ महेश बोर्डेसह शिवप्रेमी उपस्थित होते. दुपारी‎ चार वाजता हिंदू ग्रूपने आयोजित केलेल्या‎ शिवजयंतीच्या मिरवणुकीचे उद्घाटन‎ राहुरीचे पोलिस निरिक्षक मेघश्याम डांगे व‎ प्रसिद्ध विधिज्ञ ॲड. राहुल शेटे यांच्या हस्ते‎ झाले. हिंदू ग्रूपने आकर्षक अशा फुलांच्या‎ सजावटीने सजवलेल्या रथातून छत्रपती‎ शिवाजी महाराज पुतळ्याची वाद्याच्या‎ गजरात मिरवणूक काढण्यात आली.‎ ठिकठिकाणी शिवाजी महाराजांच्या पुतळ्यास‎ पुष्पहार अर्पण करण्यात आला.‎