ख्रिस्ती बांधवांनी मोर्चा:सकल ख्रिस्ती समाजाच्या वतीने नेवासे‎ येथे तहसील कार्यालयावर मूक मोर्चा‎

ख्रिस्ती बांधवांनी ख्रिस्ती धर्मगुरू व‎ चर्चवरील हल्ल्यांविरोधात नेवासे‎ तालुका सकल ख्रिस्ती बांधवांच्या‎ वतीने नेवासे तहसील कार्यालयावर‎ मूक मोर्चा काढण्यात आला.‎ या मोर्चामध्ये ख्रिस्त समाजातील‎ सर्व पंथातील जनसमुदाय सहभागी‎ होता. ख्रिस्त राजा चर्च घोडेगावचे‎ प्रमुख धर्मगुरु फादर सतीश कदम व‎ नेवासे येथील कॅथोलिक आश्रम‎ ज्ञानमाऊली चर्चचे धर्मगुरु जॉन‎ गुलदेवकर, नेवासे तालुका पास्टर‎ फेलोशिपचे अध्यक्ष प्रकाश‎ चक्रणारायण, उपाध्यक्ष पास्टर‎ किशोर बोर्गे व तालुक्यातील सेवक‎ व पाळक यांनी सहभागी होते.‎

नेवासे पंचयात समितीतून निघालेला‎ मोर्चात काळ्याफिती लावून‎ मोर्चेकरी सामील झाले होते.‎‎‎‎‎‎‎‎‎‎‎‎ तहसील कार्यालय येथे मोर्चाचे‎ सभेत रूपांतर झाले. यावेळी‎ ख्रिस्त राजा चर्चचे धर्मगुरु सतीश‎ कदम म्हणाले, भारतीय ख्रिश्चन‎ असल्याचा अभिमान आहे. चर्च व‎ धर्मगुरूंवरील हल्ले त्वरित थांबवा,‎ हल्लेखोरांचा त्वरित बंदोबस्त करा,‎ अशी मागणी केली. यावेळी मोर्चात‎ जनाभाऊ मिरपगार, किशोर लोंढे,‎ राजेंद्र वाघमारे, पप्पू इंगळे, रवींद्र‎‎‎‎‎‎‎‎‎‎‎‎ पवार, मनोज ससाणे, शेखर‎ वाघमारे, मुन्ना चक्रणारायण, रंजन‎ जाधव, मार्कस बोर्डे, राजू साळवे,‎ विश्वास चक्रणारायण, बालूभाऊ‎ आल्हाट, रेव्हरेंड अनिल वंजारे‎ आदी सहभागी होते. तहसीलदार‎ रुपेशकुमार सुराणा व उपविभागिय‎ पोलीस अधिकारी संदिप मिटके‎ यांनी निवेदन स्वीकारले. त्यानंतर‎ आंदोलकांनी आंदोलन मागे घेतले.‎