लोकार्पण‎:केवळ तीन तासांत घरबसल्या माती तपासणी‎

शेतकरी साक्षरता हे ब्रीदवाक्य‎ घेऊन काम करणाऱ्या दैठणे गुंजाळ‎ (ता. पारनेर) येथील ‘बायोमी‎ टेक्नॉलॉजीज् प्रायव्हेट लिमिटेड‎ कंपनीने सॉईलोमीटर कीट हे‎ अभिनव उपकरण तयार केले आहे.‎ शेतीतील मातीचा जिवंतपणा‎ तपासणी व त्यानुसार कमी खर्चात‎ जास्त उत्पादन घेण्याच्या ट्रिक्स‎ शिकवण्याचे काम ‘बायोमी’तर्फे‎ केले जाते.

केंद्रीय कृषिमंत्री‎ नरेंद्रसिंग तोमर यांच्या हस्ते‎ सॉईलोमीटर किटचे लोकार्पण‎ जयपूर (राजस्थान) येथे करण्यात‎ आले.‎ जयपूर येथील चौधरी चरणसिंग‎ राष्ट्रीय कृषी विपणन संस्थेच्या‎ चौथ्या पदवीदान समारंभात या‎ कीटचे लोकार्पण झाले. कृषिमंत्री‎ नरेंद्रसिंग तोमर यांच्यासह केंद्रीय‎ कृषी राज्यमंत्री कैलास चौधरी,‎ खासदार कर्नल राज्यवर्धनसिंग‎ राठोड, रामचंद्र बोहरा, कृषी‎‎‎‎‎‎‎‎‎‎‎‎‎‎‎ कल्याण मंत्रालयाचे सहसचिव डॉ.‎ विजया लक्ष्मी, प्रधान सचिव दिनेश‎ कुमार आदी उपस्थित होते.‎ बांधावरची प्रयोगशाळा उभारणी‎ करण्याच्या संकल्पाने प्रेरित होऊन‎ काम करणाऱ्या ‘बायोमी’चे‎ संचालक डॉ. प्रफुल्ल गाडगे यांच्या‎ कृषी संशोधन कार्याचे उपस्थितांनी‎ कौतुक केले.‎ डॉ. गाडगे म्हणाले, की‎ ‘बायोमी’ हे नगर येथील स्टार्टअप‎‎‎‎‎‎‎‎‎‎‎‎‎‎‎ असून, चौधरी चरण सिंग राष्ट्रीय‎ कृषी विपणन संस्थेच्या राष्ट्रीय कृषी‎ विस्तार योजनेंतर्गत ‘इनक्युबेटेड’‎ आहे. कृषिमंत्री आणि कृषी‎ कल्याण मंत्रालयाच्या‎ अधिकाऱ्यांनी दिलेली कौतुकाची‎ थाप खूप मोलाची आहे. आतापर्यंत‎ आमची टीम आणि आम्ही हजारो‎ शेतकऱ्यांचा उत्पादनखर्च कमी‎ करून उत्पादनवाढीसह सेंद्रिय‎ आणि विषमुक्त शेतीसाठी काम‎ करीत आहोत. त्याचे कौतुक‎ झाल्याने शेती क्षेत्रात आणखी‎ जोमाने काम करण्याची ऊर्मी‎ मिळाल्याचे ते म्हणाले.

‎डॉ. गाडगे म्हणाले, की देशातली‎ पहिली मातीचा जिवंतपणा‎ म्हणजेच मातीतील पिकांना‎ उपयोगी सूक्ष्मजीवांचे प्रमाण प्रत्यक्ष‎ बांधावर शेतकऱ्यांना सांगणारी,‎ अशी ही सॉईलोमीटर किट आहे.‎ प्रत्यक्षात प्रयोगशाळेत‎ तपासणीसाठी तब्बल तीन दिवस‎ आणि १० हजार रुपयांपर्यंत खर्च‎ येतो. मात्र, सॉईलोमीटर कीटच्या‎ मदतीने फक्त ३१० रुपयांत व ३‎ तासांत मातीचे परीक्षण करू‎ शकतो. या कीटच्या माध्यमातून‎ जिवाणू खते आणि जैविक‎ कीटकनाशकांचा दर्जाही‎ शेतकऱ्यांना घरच्या घरी तपासता‎ येतो. त्यामुळे उच्च दर्जाच्या जैविक‎ कृषी निविष्ठा शेतात वापरण्यास‎ मदत होईल आणि उत्पादनात वाढ‎ होण्यास मदत होत असल्याचे‎ त्यांनी सांगितले.‎