मोहीम‎:सुकन्या समृद्धीसाठी 9 व 10‎ रोजी पोस्टाची विशेष मोहीम‎

अहमदनगर विभागातील सर्वच पोस्ट‎ ऑफिसमधून ९ व १० फेब्रुवारी या दोन‎ दिवशी मुलींसाठी असणाऱ्या सुकन्या‎ समृद्धी योजनेकरिता विशेष मोहिमचे‎ आयोजन करण्यात आले आहे.‎ केडगाव टपाल कायार्लयातही या‎ योजनेसाठी स्वतंत्र व्यवस्था करण्यात‎ आलेली आहे. मुलींसाठी ही योजना‎ अधिकाधिक लोकांपर्यंत पोहचवावी‎ यासाठी या मोहिमेचे आयोजन करण्यात‎ आलेले अाहे.

या योजनेच्या प्रसारासाठी‎ केडगाव टपाल कार्यालयातर्फे विविध‎ अंगणवाडी केंद्रास भेटी देत याची माहिती‎ देण्यात आली. चास येथे नुकतीच‎ अंगणवाडी सेविका व आरोग्यसेविका‎ यांची बैठक घेऊन त्यांना या योजनेबाबत‎ माहिती देण्यात आली. या योजनेंतर्गत दहा‎ वर्षाखालील मुलीचे पालकांच्या द्वारे खाते‎ उघडता येते. सुरवातीस २५० रुपये भरून‎‎‎‎‎‎‎‎‎‎‎‎‎‎‎‎‎‎ खाते उघडता येते. शंभरच्या पटीत रक्कम‎ भरता येईल. आर्थिक वर्षात किमान एक‎ हजार तर कमाल दीड लाखाची मर्यादा‎ आहे. पंधरा वर्षे या खात्यात रक्कम‎‎‎‎‎‎‎‎‎‎‎‎‎‎‎‎‎‎ भरावी. खाते एकवीस वर्षांनी परिपक्व‎ होते. मुलीच्या भविष्यासाठीची तरतूद‎ असणारी योजना म्हणून या योजनेकडे‎ पाहिले जाते.‎

मुलींच्या सुरक्षित भविष्यासाठी योजना‎आपल्या कन्येच्या सुरक्षित भविष्याच्या दृष्टीकोनातून शासनाने ही सुकन्या समृद्धी‎ योजना सुरू केली आहे. नागरिकांनी आपल्या जवळच्या टपाल कार्यालयाशी संपर्क‎ करून आपल्या सुकन्या योजनेचे खाते उघडावे.‎ संतोष यादव, पोस्टमास्तर, केडगाव.‎