सोहळा‎:श्री क्षेत्र कुंड माउली मळगंगा मंदिराचा उद्या‎ कलशारोहण प्रथम वर्धापनदिन सोहळा‎

श्री क्षेत्र कुंड माउली मळगंगा‎ मंदिर कलशारोहण प्रथम‎ वर्धापनदिन सोहळा बुधवारी, ८‎ फेब्रुवारी रोजी साजरा होणार‎ असल्याची माहिती मळगंगा‎ ग्रामीण विकास ट्रस्टचे आजी‎ माजी पदाधिकाऱ्यांनी दिली.‎ या कार्यक्रमाचे नियोजन‎ करण्यासाठी नुकतीच एक बैठक‎ मळगंगा मंदिरात घेण्यात आली.‎ यावेळी ट्रस्टचे अध्यक्ष प्रभाकर‎ कवाद, संदीप पाटील वराळ‎ जनसेवा फौंडेशनचे तालुकाध्यक्ष‎ सचिन वराळ, उपसरपंच माऊली‎ वरखडे, माजी सरपंच ठकाराम‎ लंके,सचिव शांताराम‎ कळसकर,ट्रस्टचे पदाधिकारी‎ ज्ञानदेव लंके, अमृताशेठ‎ रसाळ,रामदास वरखडे,‎ शिवाजीराव वराळ, बजरंग‎‎‎‎‎‎‎‎‎‎‎‎‎‎‎‎‎ वराळ, ॲड. बाळासाहेब‎ लामखडे, शंकरराव लामखडे,‎ संतोष रसाळ, मनोहर राउत,‎ बबनराव ससाणे व्यवस्थापक‎ महेश ढवळे आदी उपस्थित होते.‎ बुधवारी कलशारोहण प्रथम‎ वर्धापनदिन निमित्त सकाळी ८ ते ९‎ वाजता पोपट महाराज देशपांडे‎ यांच्या हस्ते देवीची पूजा व‎ अभिषेक करण्यात येणार आहे.‎

सकाळी १० ते १२ गणेश महाराज‎ वाघमारे यांचे कीर्तन, दुपारी १२‎ नंतर महाप्रसाद अशाप्रकारे हा‎ कलशारोहण कार्यक्रम होणार‎ आहे. पाच ते सहा हजार भाविक‎ उपस्थित राहतील, असे नियोजन‎ करण्यात येणार आहे. एक‎ वर्षांपूर्वी जगप्रसिद्ध रांजणखळगे‎ परिसरात मळगंगा मंदिराचा‎ कलशारोहण कार्यक्रम झाला‎ होता. जगप्रसिद्ध रांजणखळगे हा‎ राज्याचा पर्यटनदृष्ट्या अमूल्य‎ ठेवा अाहे. या ठिकाणची महती‎ जगभर पसरली आहे.‎ देशविदेशातून पर्यटक मोठ्या‎ संख्येने या ठिकाणी येत असतात.‎ मळगंगा देवी जागृत देवस्थान‎ म्हणून राज्यात प्रसिद्ध आहे.‎