शेतकऱ्यांची मागणी‎:सोनेवाडीत विद्युत मोटारी‎ चोरणाऱ्यांचा सुळसुळाट‎

तालुक्यातील सोनेवाडी शिवारात गेल्या‎ महिन्यापासून विद्युत मोटार चोरांचा‎ सुळसुळाट झाला असून अनेक शेतकऱ्यांच्या‎ विद्युत मोटारी या चोरांनी चोरून नेल्या आहेत‎ त्यामुळे शेतकरी हवालदिल झाले आहेत. या‎ चोरांचा कोपरगाव तालुका पोलिस स्टेशनने‎ बंदोबस्त करावा, अशी मागणी‎ शेतकऱ्यांमधून होत आहे.‎ गुरुवारी रात्री सोनेवाडी शिवारातील सर्वे‎ नंबर २५२/५ या क्षेत्रातील अप्पासाहेब‎ कारभारी जावळे यांच्या विहिरीवरील टेक्समो‎ कंपनीची साडेसात हाँस्पॉवरची विद्युत‎ पानबुडी मोटार, नंबर फूट पाईप, सव्वाशे फूट‎ केबल, स्टार्टर फ्युज व इतर अंदाजे ३५‎ हजारांच्या या विद्युत वस्तू चोरट्यांनी चोरून‎ नेल्या.

लाईटचा टाइमिंग सकाळी आठचा‎ झाल्यामुळे विनायक अप्पासाहेब जावळे हे‎ आपल्या शेतात पिकांना पाणी देण्यासाठी गेले‎ असता झालेला प्रकार त्यांच्या लक्षात आला.‎ आपल्या विहिरीवर सर्व साहित्याची चोरी‎ झाली असल्याचे त्यांनी पाहिले.‎ आजूबाजूच्या शेतकऱ्यांना याबाबत त्यांनी‎ कल्पना दिली असता अनेक शेतकऱ्यांनी‎ आमच्या देखील मोटारी गेल्या पंधरा‎ दिवसांपूर्वी चोरी गेले असल्याचे सांगितले.‎

याबाबत काल अप्पासाहेब जावळे व‎ विनायक जावळे यांनी कोपरगाव तालुका‎ पोलिस स्टेशनला फिर्याद दिली असून‎ गावातील नागरिकांनाही सतर्क राहण्याचे‎ त्यांनी सांगितले. हे विद्युत मोटर चोर मोटारी‎ चोरून त्यातील तार काढून बाजारात विकून‎ पैसे कमवत असल्याचा गोरख धंदा करत‎ असल्याचे अनेकांनी सांगितले. मात्र यामुळे‎ शेतकऱ्यांना आपल्या शेतातील पिकांना पाणी‎ देण्यासाठी तत्काळ पैसे उपलब्ध करून‎ विद्युत मोटारी खरेदी कराव्या लागत‎ असल्याने शेतकरी अडचणीत सापडले. या‎ चोरांचा कोपरगाव तालुका पोलिस स्टेशनने‎ बंदोबस्त करावा, अशी मागणी शेतकरी‎ वर्गातून होत आहे.‎