निषेध‎:शेवगाव शहरात कडकडीत बंद, तर‎ तालुक्यात मिळाला संमिश्र प्रतिसाद‎

शेवगाव येथील दोन युवकांनी‎ महापुरुषांबद्दल सोशल मीडियावर‎ वादग्रस्त व्हिडीओ टाकल्यामुळे‎ शहरात तणावाचे वातावरण निर्माण‎ झाले होते. या घटनेचा निषेध‎ नोंदवण्यासाठी सर्व स्तरातून बंदची‎ हाक देण्यात आली होती. सोमवारी‎ शेवगाव शहर आणि तालुक्यातील‎ बहुतांश गावांत, व्यापाऱ्यांनी दुकाने‎ बंद ठेऊन घटनेचा निषेध नोंदवला.‎ या घटनेचा निषेध नोंदण्यासाठी‎ डॉ. बाबासाहेब आंबेडकर चौक येथे‎ सकाळी नऊच्या सुमारास नागरिक‎ एकत्र जमण्यास सुरुवात झाली.‎ त्यानंतर डॉ. बाबासाहेब आंबेडकर‎ चौकापासून पायी चालत जात‎ छत्रपती शिवाजी महाराज चौकात‎ दाखल झाले.

सर्व युवकांनी छत्रपती‎ शिवाजी महाराजांची सामूहिक‎ आरती करण्यात आली. शेवगाव‎ शहर बंद करण्यासाठी तालुक्यातील‎‎‎‎‎‎‎‎‎‎‎‎‎ विविध पक्ष, सामाजिक कार्यकर्ते,‎ सर्व मराठा संघटनांचे पदाधिकारी व‎ कार्यकर्ते यांनी यावेळी सहभागी‎ झाले. यावेळी संतप्त युवकांनी‎ घटनेच्या निषेधार्थ घोषणाबाजी‎ करीत औरंगजेबाच्या प्रतिमा जाळून‎ निषेध नोंदवला. दहिगावने,‎ देवटाकळी, भातकुडगावफाटा,‎ घोटण, खानापूर, चापडगाव,‎ बोधेगाव, बालमटाकळी, अमरापूर‎ आदी गावांत बंद पाळण्यात आला.‎‎‎‎‎‎‎‎‎‎‎‎‎ काही गावात, दहावीच्या परीक्षार्थी‎ विद्यार्थ्यांची गरज ओळखून‎ दुपारनंतर दुकाने उघडण्यात आली.‎ अप्पर पोलिस अधीक्षक प्रशांत खैरे,‎ उपविभागीय पोलिस अधिकारी‎ संदीप मिटके, उपविभागीय पोलिस‎ अधिकारी अजित पाटील हे‎ परिस्थीतीवर लक्ष ठेवून शहरात तळ‎ ठोकून होते. पोलिस निरीक्षक‎ विलास पुजारी यांच्या नेतृत्वाखाली‎ चोख बंदोबस्त ठेवण्यात आला.‎