स्नेहसंमेलन:नृत्याविष्कार अन् विविध कलागुणांतून‎ विद्यार्थ्यांनी दर्शवली राष्ट्रीय एकात्मता‎

मढी येथील शिवतेज विद्यालय वार्षिक‎ स्नेहसंमेलन उत्साहात झाले.‎ शेतकऱ्यांची समस्या, समाजात‎ घडणाऱ्या प्रसंगाचे नाटक, देशभक्तीपर‎ गीत, वासुदेव आला रे वासुदेव आला‎ यांसारख्या अनेक गाण्यांवर नृत्याविष्कार‎ सादर करत विद्यार्थ्यांनी रसिकांवर‎ मोहिनी घातली. कार्यक्रमाच्या‎ प्रारंभापासून सादर होणाऱ्या विविध‎ संस्कृतीवर आधारित नृत्याविष्कार अन्‎ विद्यार्थ्यांच्या कलागुणांतून दर्शवण्यात‎ आलेली राष्ट्रीय एकात्मता, असे‎ जल्लोषमय वातावरण शिवतेज‎ विद्यालयाचे स्नेहसंमेलनात बघायला‎ मिळाले.‎

कार्यक्रमाला प्रमुख पाहुणे म्हणून‎ संस्थेचे अध्यक्ष डॉ. धनंजय मुखेकर,‎ सचिव वंदना मुखेकर, मढी देवस्थानचे‎ अध्यक्ष बबन मरकड, सरपंच संजय‎ मरकड ,माजी सरपंच भगवान मरकड,‎ युवा नेते कुशल भापसे, निवडूंगे सरपंच‎ वैभव देशमुख, शाळेचे समन्वयक‎ बाळासाहेब मरकड, देवस्थानचे‎ कोषाध्यक्ष भाऊसाहेब मरकड, माजी‎ संचालक नवनाथ मरकड, उपसरपंच‎‎‎‎‎‎‎‎‎‎‎‎‎‎‎‎‎‎‎‎ रवींद्र आरोळे, सेवा सोसायटीचे अध्यक्ष‎ विष्णू मरकड, उपाध्यक्ष शंकर पाखरे,‎ प्राचार्य गौतम ढेकणे, ग्रामस्थ एकनाथ‎ मरकड, सुधीर मरकड, हरिचंद्र मरकड,‎ प्रदीप पाखरे आदी उपस्थित होते.‎

स्नेहसंमेलनाच्या प्रारंभी विद्यार्थ्यांनी‎ विविध संस्कृतीवर आधारित वेशभूषा‎ करत, देश रंगीला या गाण्यावर‎‎‎‎‎‎‎‎‎‎‎‎‎‎‎‎‎‎‎‎ नृत्याविष्कार सादर केला. यावेळी‎ विद्यार्थ्यांनी हातात तिरंगा घेऊन भारत‎ माता की जय, वंदे मातरम च्या घोषणाने‎ परिसर दुमदुमला. त्यावेळी उपस्थितांनी‎ टाळ्यांचा कडकडाट केला.‎ स्नेहसंमेलनात विद्यार्थ्यांनी छत्रपती‎ शिवाजी महाराज यांच्यावर आधारित‎ पोवाडा सादर करत प्रेक्षकांची मने‎‎‎‎‎‎‎‎‎‎‎‎‎‎‎‎‎‎‎‎ जिंकली.‎ वासुदेव आला ,संदेसे आते है ,मला‎ आमदार झाल्या सारख वाटतयं, वेड‎ यांसारख्या अनेक गाण्यांवर नृत्याविष्कार‎ सादर करत विद्यार्थ्यांनी रसिकांची मने‎ जिंकली. प्रास्ताविक बाळासाहेब मरकड‎ यांनी, सूत्रसंचालन दशरथ मरकड यांनी,‎ तर आभार गणेश मरकड यांनी मानले.