शारीरिक‎ स्वास्थ्य धोक्यात:घाम गाळणे म्हणजे‎ योग नव्हे : सागर पवार‎

चुकीची आहार पध्दती, व्यायामाचा‎ अभाव व तणावपूर्ण जीवनामुळे‎ बहुतेकांचे मानसिक व शारीरिक‎ स्वास्थ्य धोक्यात आले आहे.‎ मानसिक व शारीरिक स्वास्थ्यासाठी‎ योग-प्राणायामशिवाय पर्याय नाही.‎ घाम गाळणे म्हणजे योग नव्हे,‎ शास्त्रीय अचूक पध्दतीने योग‎ केल्यास त्याचे निश्‍चित फायदे‎ शरीराला मिळतात, असे प्रतिपादन‎ योग गुरु सागर पवार यांनी केले.‎

प्रयास व नम्रता दादी-नानी‎ ग्रुपच्या वतीने महिलांच्या निरोगी‎ आरोग्य आणि आनंदी जीवनासाठी‎ योग-प्राणायामबद्दल मार्गदर्शन‎ करण्यात आले. यावेळी योग गुरु‎ पवार बोलत होते. याप्रसंगी मनिषा‎ भागानगरे, गितांजली भागानगरे,‎ ग्रुपच्या अध्यक्ष अलका मुंदडा,‎ उपाध्यक्षा सविता गांधी, सचिव‎ शोभा पोखर्णा, अनिता काळे, छाया‎ राजपूत, हिरा शहापूरे, शशिकला‎ झरेकर, स्वप्ना शिंगी, साधना‎ भळगट, सुजाता पूजारी, सारिका‎ कासट, जयश्री पुरोहित, उषा गुगळे‎ आदी उपस्थित होत्या.‎ पवार म्हणाले, तणावाने‎ आजाराच्या उंबरठ्यावर असलेल्या‎ व्यक्तीचे इंद्रिय त्याच्या इच्छेप्रमाणे‎ कार्यरत नसतात.

इंद्रियांवर ताबा‎ मिळवण्यासाठी प्राणायाम कार्य‎ करतो. ध्यानद्वारे विचारांमध्ये‎ सकारात्मक ऊर्जा निर्माण करता‎ येते. यामुळे नैराश्यपूर्ण जीवन‎ आनंदी बनत असते. तणावामुळे‎ जीवन निरुत्साह व व्याधींनी व्यापले‎ जात आहे. योग-प्राणायामद्वारे‎ स्वत:ला वेळ दिल्यास जीवनात‎ आनंद व उत्साह निर्माण होऊन‎ निरोगी जीवन जगता येणार आहे.‎ मन शांत नसल्यास चिडचिड होऊन‎ कामात एकाग्रता निर्माण होत नाही.‎ त्यामुळे अनेक कामे व निर्णय चुकत‎ असल्याचे सांगितले.‎