धार्मिक:अग्निचे भांडे तळहातावर घेत भळंद उत्साहात‎

मोहिनी मायच्या जयघोषात भगवान‎ विष्णूचे मोहिनी अवताराचे एकमेव‎ स्थान असलेल्या ग्रामदैवत श्री‎ मोहिनीराज यात्रा उत्सवानिमित्त आई‎ जगदंबेच्या नावाचा जयघोष करत‎ रविवारी पौर्णिमेच्या रात्री‎ लखलखत्या अग्निचे खापराचे भांडे‎ तळहातावर घेऊन पारंपरिक‎ उत्साहात भळंद कार्यक्रम पार पडला.‎ रथ सप्तमी पासून सुरु झालेल्या‎ ग्रामदैवत श्री मोहिनीराज यात्रेमुळे‎ शहरात चैतन्याचे वातावरण निर्माण‎ आहे.

माघ शुध्द पोर्णिमेस गावातील‎ सर्व कुटुंबातून कुलधर्म कुलाचार‎ केला जातो या वेळी देवाला‎ पूृरणपोळीचा नैवेद्यही दाखवला‎ जातो. पौर्णिमेचे आकर्षण म्हणजे‎ माघ पोर्णिमेच्या रात्री मंदिरा समोरील‎ मंडपात गोंधळ घालत भळंद खेळत‎ देवतेला यात्रा उत्सवासाठी आमंत्रण‎ दिलं जातं.‎ देवीचा जागर करीत श्रीरामपुर‎‎‎‎‎‎‎‎‎‎‎‎‎‎‎‎‎‎‎ तालुक्यातील वडाळा महादेव येथील‎ रेवणनाथ महाराज जोशी, आदिनाथ‎ जोशी व अदिती जोशी यांनी‎ लखलखत्या अग्नीचे खापराचे भांडे‎ तळहातावर घेऊन पारंपरिक‎ उत्साहात भळंद कार्यक्रमाद्वारे‎‎‎‎‎‎‎‎‎‎‎‎‎‎‎‎‎‎‎ देवदेवतांना मोहिनीराजांच्या यात्रेचे‎ निमंत्रण दिले.‎

सोमवारी पहाटे ग्रामदैवत श्री‎ मोहिनीराजांचा महाभिषेक होऊन‎ तहसीलदारांच्या रुपेशकुमार सुराणा‎ यांच्या हस्ते मानाची पूजा पार पडली.‎‎‎‎‎‎‎‎‎‎‎‎‎‎‎‎‎‎‎ यात्रेनिमित्त मंदिरावर झेंडे चढवायची‎ परंपरा आहे. सोमवारी पहिल्या‎ दिवशी कुटे कुटुंबीयांना झेंड्याचा‎ पहिला मान होता. नेवासे बुद्रुकचे‎ ज्येष्ठ व प्रतिष्ठित नागरिकांसह कुटे‎ कुटुंबियों मानाचा झेंडा मंदिरावर‎ चढवला.‎ दुपारी एक वाजता मोहिनी राजाची‎ उत्सव मूर्ती पालखीतून वाजत गाजत‎ पाक शाळेत पाच दिवसाच्या‎ मुक्कामाला आली. मंदिरातून देव‎ बाहेर पडताना मानकरांच्या हस्ते‎ मूर्तीची पूजा करण्यात आली.

माजी‎ मंत्री आमदार शंकरराव गडाख‎ यांच्या हस्ते मूर्तीला नववस्त्र परिधान‎ करून पालखीत ठेवलेल्या उत्सव‎ मूर्तीचे त्यांनी पूजा करून दर्शन घेतले‎ विश्वस्तांच्या वतीने शंकरराव गडाख‎ यांचा सत्कार करण्यात आला.‎ आज मंदिरातून निघालेली पालखी‎ जुन्या कोर्ट गल्ली मार्गे‎ पाकशाळेमध्ये गेली. यावेळी‎ गावातील भजनी मंडळ व कै.‎ सौ.बदामबाई गांधी विद्यालयाच्या‎ मुलींच्या लेझीम पथकाने‎ मिरवणुकीत सहभाग घेतला.‎ सायंकाळी सहा वाजता गुगळे‎ कुटुंबीयांतर्फे मानाची पंगत देण्यात‎ आली. संपूर्ण गावकऱ्यांनी पंगतीत‎ प्रसादासाठी हजेरी लावली होती.‎