अपघात:टँकर- दोन दुचाकींच्या धडकेत तीन ठार, एक जखमी‎

दुधाच्या टँकरची दोन दुचाकींना धडक बसून झालेल्या‎ अपघातात तीन तरुणांचा जागीच मृत्यू झाला. या अपघातात एक‎ जण गंभीर जखमी झाला. अकोले रस्त्यावर मंगळापूर शिवारात‎ शुक्रवारी रात्री ८ वाजता हा अपघात झाला.

ऋषिकेश उमाजी‎ हासे (वय २०), सुयोग बाळासाहेब हासे (वय २०) व नीलेश‎ बाळासाहेब सिनारे (वय २६, चिखली, ता. संगमनेर) अशी मृत‎ तरुणांची नावे आहेत. अपघातात संदीप भाऊसाहेब केरे (वय‎ ३२) हा गंभीर जखमी झाला . चिखली येथे शनिवारी दुपारी मृत‎ तिघांवर अंत्यसंस्कार करण्यात आले. एकाच गावातील हे तिघे‎ मित्र असल्याने चिखली गावावर शोककळा पसरली होती.‎