सन्मान‎:शिक्षकांच्या संस्कृत लघुपटाचा‎ आंतरराष्ट्रीय महोत्सवात सन्मान‎

शहर‎ येथील बाळासाहेब भारदे हायस्कूलमधील‎ उपक्रमशील शिक्षक उमेश घेवरीकर यांनी‎ दिगदर्शित केलेल्या व याच शाळेतील डॉ.‎ सपना कुलकर्णी यांची संकल्पना, कथा व‎ संवाद असलेल्या ‘संप्रदानम’ या संस्कृत‎ लघुपटाने संस्कृत भारती या संस्थेने आयोजित‎ केलेल्या चवथ्या विश्व संस्कृत लघुपट‎ महोत्सवात दोन पुरस्कारांवर मोहोर उमटवली.‎ या लघुपटातील प्रमुख भूमिकेसाठी विद्या‎ जोशी यांना सर्वोत्कृष्ट अभिनेत्रीचा पुरस्कार‎ मिळाला असून लघुपाप स्पेशल ज्युरी अवॉर्ड‎ मिळाले. जगभरातील शंभराहून अधिक‎ लघुपट या महोत्सवात दाखल झाले होते.

‎ यातील आठ लघुपटांचे प्रदर्शन २७ जानेवारी‎ रोजी नागपूर येथील रेशीम बाग येथे घेण्यात‎ आले. याच समारंभात विजेत्यांना‎ मान्यवरांच्या हस्ते पुरस्कृत कऱण्यात आले.‎ विद्या जोशी, संकेत खेडकर, विराज‎ अवचिते, सपना कुलकर्णी यांच्या मुख्य‎ भूमिका असलेल्या या लघुपटाच्या तांत्रिक‎ बाबी कृष्णा जवरे, सोमा शिंदे, सारंग देशपांडे‎ यांनी सांभाळल्या आहेत.

अवयवदानाचे‎ महत्त्व अधोरेखित करणारा अवघ्या सात‎‎‎‎‎‎‎‎‎‎‎‎‎‎‎‎‎ मिनिटांचा हा लघुपट असून आधुनिक साधने‎ हाताशी नसताना अडचणींवर मात करत‎ शेवगावसारख्या ग्रामीण भागातील‎ कलाकारांनी घेतलेली ही आंतरराष्ट्रीय‎ महोत्सवातील झेप शेवगावची शान‎ उंचावणारी ठरत आहे. या संघाचे प्रा. रमेश‎ भारदे, एजाज काझी, हरीश भारदे, बापूसाहेब‎ गवळी, भाऊ काळे, श्रीकांत कुलकर्णी, डॉ.‎ मंजूषा कुलकर्णी यांनी अभिनंदन केले.‎