राजकारण:जिल्हा विभाजन व्हावे ही पूर्वीची भूमिका आजही कायम‎

तालुका‎ अहमदनगर जिल्हा लोकसंख्या आणि‎ आकारमानाने मोठा आहे. त्यामुळे‎ प्रशासनावर मोठा ताण येतो, जनतेची‎ कामे वेळेवर होत नाहीत. जिल्ह्याचे‎ विभाजन व्हावे ही आपली पूर्वीही‎ भूमिका होती आणि आजही आहे.‎ त्यासाठी सर्व प्रयत्न केले जातील,‎ असे प्रतिपादन आमदार राम शिंदे यांनी‎ केले.‎ आमदार शिंदे यांची भाजप प्रदेश‎ प्रवक्तेपदी नियुक्ती झाल्याबद्दल जिल्हा‎ भाजपतर्फे त्यांचा बाजार समितीमधील‎ शेतकरी भवनमध्ये सत्कार करण्यात‎ आला .

त्याप्रसंगी ते बोलत होते.‎ यावेळी भाजप जिल्हाध्यक्ष अरुण मुंडे,‎‎‎‎‎‎‎‎‎‎‎‎ माजी आमदार शिवाजी कर्डिले,‎ जिल्हा परिषद सदस्य प्रतिभा पाचपुते,‎ मिलिंद गंधे,अश्विनी थोरात, सुजित‎ झावरे, सुरेश सुंभे, मनोज कोकाटे,‎ अभिलाष घिगे, विलास शिंदे,‎ रेवणनाथ चोभे, संतोष म्हस्के, दिलीप‎‎‎‎‎‎‎‎‎‎‎‎ भालसिंग, दीपक कार्ले, भाऊसाहेब‎ बोठे, अशोक झरेकर उपस्थित होते.‎

माजी आमदार कर्डिले यांनी जिल्हा‎ विभाजनाचा मुद्दा मांडला त्यावर‎ आपल्या भाषणात उत्तर देताना‎ आमदार शिंदे म्हणाले, मी पालकमंत्री‎‎‎‎‎‎‎‎‎‎‎‎ असल्यापासून जिल्हा विभाजनाची‎ भूमिका घेतलेली आहे आणि आजही‎ त्या भूमिकेवर कायम आहे. चार- चार‎ आमदार असणाऱ्या कोकणातील‎ जिल्ह्यांना स्वतंत्र अधिकारी आहेत.‎ पण अहमदनगर जिल्हा लोकसंख्या‎‎‎‎‎‎‎‎‎‎‎‎ आणि आकाराने सर्वात मोठा आहे.‎ जिल्ह्यात दोन खासदार आहेत.‎ त्यामुळे प्रशासनावर कामाचा ताण‎ येतो. त्यामुळे जिल्हा विभाजन झालेच‎ पाहिजे. याबाबत मुख्यमंत्री एकनाथ‎ शिंदे आणि उपमुख्यमंत्री देवेंद्र‎‎‎‎‎‎‎‎‎‎‎‎ फडणवीस पण अनुकूल आहेत.‎ दरम्यान, अर्थसंकल्पीय‎ अधिवेशनापूर्वी मंत्रिमंडळाचा विस्तार‎ होईल. त्यात जिल्ह्याला किमान दोन‎ मंत्रिपदे मिळावेत, यासाठी प्रयत्न करू,‎ असे ते म्हणाले.‎

राज्यसभेचा खासदार होता होता‎ विधानपरिषदेचा आमदार झालो‎ कामे करूनही आमदार शिंदे, माजी आमदार औटी, आणि मी पडलो त्यामुळे‎ लोकांना नक्की काय हवे असते ते समजत नाही असे माजी आमदार शिवाजी‎ कर्डिले म्हणाले. त्याविषयी बोलताना आमदार शिंदे म्हणाले, मी मतदार‎ संघात खूप कामे केली. पुस्तक वाचून, कोणाचा आदर्श डोळ्यासमोर ठेवून,‎ कॉपी करून आमदार होता येत नाही. पण कार्यकर्त्यांच्या प्रेमाने पुन्हा आमदार‎ झालो. खरं तर राज्यसभेचा खासदार होता होता विधानपरिषद आमदार‎ झालो, असे सांगताना ते भावुक झाले होते ‎.‎

राज्यसभेचा खासदार होता होता‎ विधानपरिषदेचा आमदार झालो‎ कामे करूनही आमदार शिंदे, माजी आमदार औटी, आणि मी पडलो त्यामुळे‎ लोकांना नक्की काय हवे असते ते समजत नाही असे माजी आमदार शिवाजी‎ कर्डिले म्हणाले. त्याविषयी बोलताना आमदार शिंदे म्हणाले, मी मतदार‎ संघात खूप कामे केली. पुस्तक वाचून, कोणाचा आदर्श डोळ्यासमोर ठेवून,‎ कॉपी करून आमदार होता येत नाही. पण कार्यकर्त्यांच्या प्रेमाने पुन्हा आमदार‎ झालो. खरं तर राज्यसभेचा खासदार होता होता विधानपरिषद आमदार‎ झालो, असे सांगताना ते भावुक झाले होते ‎