उल्लेखनीय उपक्रम:कोपरगाव तालुक्यातील गुलाबी मतदान‎ केंद्रांची निवडणूक आयोगाकडून दखल‎

कोपरगाव तालुक्यात डिसेंबर २०२२‎ मध्ये ग्रामपंचायत निवडणूका पार ‎ पडल्या. या निवडणुकीत तालुका ‎ प्रशासनाच्या वतीने नऊ ठिकाणी ‎‘गुलाबी मतदान केंद्र’ उभारण्यात‎ आले होते. या उल्लेखनीय‎ उपक्रमांची राज्य निवडणूक‎ आयोगाच्या निवडणूक वार्ता‎ गृहपत्रिकेत दखल घेण्यात आली.‎ महाराष्ट्र राज्य निवडणूक‎ आयोगाच्या वतीने दर सहा महिन्यांनी‎ निवडणूक वार्ता ही गृहपत्रिका‎ प्रकाशित करण्यात येते.

नुकत्याच‎ प्रसिध्द झालेल्या निवडणूक वार्ताच्या‎ सहामाही अंकात पृष्ठ क्रमांक ९ वर‎ कोपरगाव तालुका प्रशासनाने‎ राबविलेल्या गुलाबी मतदान केंद्राच्या‎ उल्लेखनीय उपक्रमाविषयी माहिती‎ देण्यात आली. कोपरगाव‎ तहसीलदार विजय बोरुडे यांच्या‎‎ संकल्पनेतून हा उपक्रम राबवण्यात‎ आला. डिसेंबर २०२२ मध्ये‎ तालुक्यातील २६ ग्रामपंचायतींसाठी‎ निवडणूका पार पडल्या. यात‎ शिंगणापूर येथे चार व माहेगाव‎ देशमुख येथे पाच गुलाबी मतदार केंद्र‎ उभारण्यात आले होते. मतदान‎ केंद्राध्यक्ष, मतदान अधिकारी, व‎ मतदान सहायक म्हणून महिला‎ कर्मचाऱ्यांची नियुक्ती करण्यात‎ आली होती. विशेष म्हणजे मतदान‎ केंद्राची सुरक्षादेखील महिला पोलिस‎ कर्मचाऱ्यांच्या खांद्यावर सोपवण्यात‎ आली होती. प्रथम महिला केंद्राध्यक्षा‎ म्हणून विद्युल्लता आढाव यांनी‎ कामकाज पाहिले. मतदारांच्या‎ स्वागतासाठी असलेले रेड कार्पेट‎ लक्ष वेधून घेत होते. कर्मचाऱ्यांचा‎ गुलाबी रंगाचा पेहराव होता. त्यामुळे‎ संपूर्ण वातावरण गुलाबी झाले होते.‎