धार्मिक:भगवंताच्या नामस्मरणाचा महिमा‎ मनुष्य देह अन् कर्माला तारणारा‎

भगवंतांचे नामसमरण हे मनुष्याला तारक‎ आहे,तसेच गोपाल काला म्हणजे पांढऱ्या‎ रंगाच्या पाच रसात्मक स्वादांचा जास्तीत‎ जास्त प्रमाणात निर्गुण चैतन्याशी संबंध‎ दर्शवणारा व पूर्णावतारी कृष्ण कार्याचे दर्शक‎ असलेला समुच्चय ''काला'' म्हणजे त्या‎ काळाला त्या स्थळाला त्या त्या स्तरावर‎ आवश्यक असे वैशिष्टपूर्ण कार्य दर्शवणाऱ्या‎ घटनांचे एकत्रीकरण होय. भगवंताच्या‎ नामसमरणाचा महिमा हा मनुष्य देहाला‎ आणि कर्माला तारणारा आहे, असे निरुपण‎ संत एकनाथ महाराजांचे १४ वे वंशज‎ योगीराज महाराज गोसावी यांनी केले.‎ राशीन येथील संत ज्ञानेश्वर महाराज‎ वारकरी संस्थेच्या वतीने आयोजित अखंड‎ हरिनाम सप्ताहाची सांगता बुधवारी गोसावी‎ महाराज यांच्या काल्याच्या किर्तनाने झाली.‎

त्यावेळी ते बाेलत किर्तानासाठी‎ पंचक्रोशीतील भाविक मोठ्या संख्येने‎ उपस्थित होते. सप्ताहानिमित्त गेल्या सात‎ दिवसात दैनंदिन हरिनामाचा कार्यक्रम पार‎ पडले. मंगळवारी सायंकाळी ज्ञानेश्वरी ग्रंथ‎ सोहळ्याचे पारायण पूर्ण होऊन ग्रंथाची‎ नगरप्रदक्षिणा दिंडी काढण्यात आली.‎‎‎‎‎‎‎‎‎‎‎‎‎‎‎ बुधवारी सकाळी काल्याचे कीर्तन झाले.‎ अनंत नामाचा हा काला । पुराणे म्हणते‎ पाहू चला ।। या अभंगाचे निरूपण करताना‎ योगीराज महाराज गोसावी म्हणाले,‎ गोपालकाला हा श्रीकृष्णाच्या विविधांगी‎ पुर्णावतारी कार्याचे प्रतिनिधित्व करतो.‎ सांप्रदायातील संतांचे विचार हे आपल्या‎ शरीरातील षटविकारांचे नाश करू शकतात,‎ म्हणून मानवाने भगवंतांचे नाम स्मरण केले‎ पाहिजे, या जन्मीचे कर्म चांगले व्हावे, असे‎ वाटत असेल तर परमार्थात‎ नामस्मरणाशिवाय दुसरा पर्याय नाही, असे‎‎‎‎‎‎‎‎‎‎‎‎‎‎‎‎‎‎‎‎‎‎‎‎ गोसावी म्हणाले. काल्याच्या कीर्तना नंतर‎ राऊत व विसापुरे यांनी महाप्रसाद वाटपाचे‎ आयोजन केले.‎

देवीचे मंदिर राज्यात प्रसिद्ध‎
राशिनचे श्री जगदंबा देवी मंदिर राज्यात‎ प्रसिद्ध आहे. या मंदिरात संत ज्ञानेश्वर‎ माऊली वारकरी संस्था व ग्रामस्थांच्या‎ वतीने अखंड हरिनाम सप्ताहाचे व ग्रंथराज‎ ज्ञानेशवरी पारायण सोहळ्याचे आयोजन‎ करण्यात आले हाेते.‎