विकासवाटा:इंडस्ट्रीयल इस्टेटमधील‎ रस्त्यांचा प्रश्न अखेर मार्गी‎

केडगाव इंडस्ट्रीयल इस्टेट परिसरातील‎ रस्त्यांच्या दुरवस्थेचा प्रश्न कायमस्वरूपी‎ मार्गी लागणार आहे. इंडस्ट्रीयल इस्टेट‎ परिसरातील नऊ प्रमुख रस्त्यांच्या‎ कामांसाठी मंजूर झालेल्या निधीतील‎ मोठा अडथळा दूर झाला आहे. या नऊ‎ रस्त्यांसह केडगाव उपनगर परिसरातील‎ पाच प्रमुख रस्ते व सावेडी उपनगर‎ परिसरातील सिव्हील हडको परिसरातील‎ रस्त्याच्या काँक्रिटीकरणाला अखेर‎ प्रशासकीय मान्यता मिळाली आहे. तब्बल‎ १४ कोटी २४ लाख १७ हजार ३१ रुपये‎ खर्चाच्या या कामांच्या निविदा लवकरच‎ प्रसिद्ध होणार आहेत.‎

गेल्या अनेक वर्षांपासून इंडस्ट्रीयल इस्टेट‎ परिसरातील रस्त्यांची मोठी दुरवस्था‎ झाली होती. ‘दिव्य मराठी’ने ग्राउंड रिपोर्ट‎ प्रकाशित करताना, तेथील परिस्थितीकडे‎ महापालिकेचे लक्ष वेधले होते. महापौर‎ रोहिणी शेंडगे यांनी त्याची दाखल घेत,‎ शासनाकडून मंजूर झालेल्या १५ कोटींच्या‎ निधीतून तेथील नऊ रस्त्यांची कामे‎ प्रस्तावित केली होती. तसेच केडगाव‎‎‎‎‎‎‎‎‎‎‎‎‎‎‎‎‎‎‎‎‎‎ उपनगर भागातील प्रभाग क्रमांक १६‎ मधील पाच प्रमुख रस्त्यांची कामे यात‎ समाविष्ट केली होती. जवळपास दहा‎ कोटी रुपयांचा निधी या रस्त्यांच्या‎ काँक्रीटीकरणासाठी मंजूर करण्यात‎ आला.

केडगाव उपनगरातील‎ मंजूर रस्त्यांची कामे‎केडगाव उपनगरातील झेंडा चौक ते‎ वैष्णवनगर, भूषणनगर भागात राधेश्याम‎ कॉम्प्लेक्स ते फुंदे घरापर्यंत,‎ अयोध्यानगर चौक ते शंभूराजे चौक,‎ रभाजीनगर सापते घर ते पवन कोतकर‎ घर, मुरकुटे घर ते नेप्ती रोडपर्यंत अशा‎ पाच रस्त्यांचे काँक्रीटीकरण करण्यात‎ येणार आहे.‎ सिव्हिल हडकोतील प्रमुख‎ रस्ता होणार‎सिव्हिल हडको परिसरातील प्रमुख रस्त्यांची‎ कामे प्रलंबित आहेत. महापौर शेंडगे यांनी‎ हडकोतील मेघाग्नी चौक ते हिरानंदानी मार्ग‎ ते भगत मळा ते गणेश चौक ते मकासरे हेल्थ‎ क्लब व पराग कॉर्नर ते भगत मळापर्यंत‎ रस्त्याचे काम प्रस्तावित केले आहे. सुमारे‎ ४.७५ कोटीं च्या या रस्त्याच्या काँक्रिटीकरण‎ कामाची निविदा प्रसिद्ध होणार आहे.‎

इंडस्ट्रीयल इस्टेटमध्ये या रस्त्यांचे होणार काँक्रिटीकरण‎इंडस्ट्रीयल इस्टेटमधील नगर अर्बन बँक ते सुमेश इंडस्ट्रीज, महावीर इंडस्ट्रीज ते सौरभ‎ इंडस्ट्रीज, मे. नेक टेक्निकल ते सारडा फॅशन्सपर्यंत, ॲटो इंजिनिअर्स ते चोपडा‎ पॉलीपर्यंत, मे.धनलक्ष्मी एंटरप्रायझेस ते न्यू दत्त मुद्रणालयपर्यंत, मे. सुप्रिम इंडस्ट्रीयल ते‎ आझाद सॉ मीलपर्यंत, यशका इंडस्ट्रीज ते मायक्रोटेक इंडस्ट्रीज, ओम इलेक्ट्रीकल्स ते‎ सुचि इंजिनिअरिंग, इंडस्ट्रीयल गेट ते नवकार स्टोअर व रुपरतन मेटल ते महावीर‎ फरसाणपर्यंत अशा नऊ रस्त्यांचे कॉंक्रिटीकरण होणार आहे.‎

सिव्हिल हडकोतील प्रमुख‎ रस्ता होणार‎सिव्हिल हडको परिसरातील प्रमुख रस्त्यांची‎ कामे प्रलंबित आहेत. महापौर शेंडगे यांनी‎ हडकोतील मेघाग्नी चौक ते हिरानंदानी मार्ग‎ ते भगत मळा ते गणेश चौक ते मकासरे हेल्थ‎ क्लब व पराग कॉर्नर ते भगत मळापर्यंत‎ रस्त्याचे काम प्रस्तावित केले आहे. सुमारे‎ ४.७५ कोटीं च्या या रस्त्याच्या काँक्रिटीकरण‎ कामाची निविदा प्रसिद्ध होणार आहे.‎