नारीशक्ती सप्ताह ‎:क्रीडा क्षेत्रात महिलांचा सहभाग वाढविण्याची गरज‎

‎धकाधकीच्या आजच्या जीवनात‎ निरामय आरोग्य व मानसिक‎ व्यवस्थापनासाठी योग व खेळ‎ अत्यंत आवश्यक आहेत.‎ शारीरिक शिक्षणामुळे‎ नेतृत्वगुणांचा विकास होतो.‎ त्यामुळे महिलांनी योग व खेळाचा‎ अवलंब दैनंदिन जीवनात केला‎ पाहिजे, तसेच क्रीडा क्षेत्रात‎ महिलांचा सहभाग वाढविण्याची‎ गरज असल्याचे प्रतिपादन प्राचार्य‎ डॉ. आर. जे. बार्नबस यांनी केले.‎ अहमदनगर महाविद्यालयात‎ सुरू असणाऱ्या नारीशक्ती‎ सप्ताहात विविध क्रीडा स्पर्धांचे‎ आयोजन करण्यात आले होते.‎ महाविद्यालयाचे प्राचार्य डॉ. आर.‎ जे. बार्नबस यांनी फुगे आकाशात‎ सोडून कार्यक्रमाचे उद्घाटन केले.‎

या वेळी कार्यक्रमासाठी उपप्राचार्य‎ डॉ. रझ्झाक सय्यद, डॉ. नोएल‎ पारगे, डॉ. प्रीतम बेदरकर,‎ रजिस्ट्रार दीपक आल्हाट,‎ महाविद्यालातील वुमेन्स् सेलच्या‎ संचालिका प्रा. रुपाली कुलकर्णी‎ आदी उपस्थित होते.‎ प्राचार्य बार्नबस म्हणाले, “क्रीडा‎ क्षेत्रात करिअर करण्याच्या अनेक‎ संधी निर्माण झाल्या आहेत.‎ पूर्वीच्या काळात खेळाडू,‎ प्रशिक्षक, संघटक एवढ्यापुरतेच‎ विश्व होते, परंतु आता विविध‎ संधी उपलब्ध झाल्या आहेत.‎ त्यासाठी अहमदनगर‎ महाविद्यालयात नेहमीच‎ विद्यार्थ्यांनी साठी विविध क्रीडा‎ स्पर्धेचे आयोजन करून एक‎ हक्काचे व्यासपीठ त्यांना तयार‎ करून देण्यात येत आहे.”‎ कार्यक्रमाचे संचालन प्रा.‎ अभिजीत जगताप यांनी केले.‎ सोहळ्याच्या यशस्वी‎ नियोजनासाठी प्रा. नजम्मुसेहेर‎ सय्यद व प्रा. पौर्णिमा बेहेरे यांनी‎ परिश्रम घेतले. क्रीडा स्पर्धामध्ये‎ महाविद्यालयीन विद्यार्थिनी मोठ्या‎‎‎‎‎‎‎‎‎‎‎‎‎‎ प्रमाणावर सहभागी झाल्या होत्या.‎ सहभागी विद्यार्थिनींनी‎ खिलाडूवृत्तीचे प्रदर्शन घडवले.‎‎‎‎‎‎‎‎‎‎‎‎‎‎ अतिशय खेळीमेळीच्या‎ वातावरणात ही स्पर्धा पार‎ पडल्याचे सांगण्यात आले.‎