लाल कांद्याची‎ आवक:तुरीला भाव वाढला , कांद्याची घसरण‎

जिल्ह्यातील बाजार समित्यांमध्ये लाल कांद्याची‎ आवक मोठ्या प्रमाणात सुरू आहे.‎ महिनाभरापूर्वी २२०० रुपये प्रतिक्विंटलने एक‎ नंबरचा कांदा विकला गेला. या दरात सातत्याने‎ घसरण सुरू असून, सद्यस्थितीत कांद्याला‎ अवघा १ हजार ते १ हजार ३०० रुपये क्विंटलचा‎ भाव मिळत आहे. दुसरीकडे तुरीच्या दरात‎ सातत्याने वाढ होत असल्याचे दिलासादायक‎ चित्र आहे.‎

अतिवृष्टीमुळे गेल्या हंगामात कांद्यासह खरीप‎ पिकांचे मोठे नुकसान झाले. आता रब्बीचा कांदा‎ बाजारात दाखल होण्यास सुरुवात झाली आहे.‎ गावरान कांदा संपल्यानंतर लाल कांद्याला‎ चांगला भाव मिळेल, अशी अपेक्षा होती. परंतु,‎ मागील काही दिवसांचा आढावा घेतल्यास‎ कांद्याच्या दरात सतत घसरण होताना दिसत‎ आहे. जिल्ह्यात २ जानेवारीला लाल कांदा १७०५‎ रुपये प्रतिक्विंटल दराने विकला गेला.

वांबोरी‎ उपबाजारात ४ फेब्रुवारी रोजी १० हजार ४४९‎‎‎‎‎‎‎‎ गोणी कांद्याची आवक झाली. तेथे एक नंबर‎ कांद्याला १ हजार ते १ हजार ३०० रुपये, दोन नंबर‎ ७०५ ते १ हजार, तर तीन नंबर कांद्याला १०० ते‎ ७०० रुपये प्रतिक्विंटलची बोली लागली.‎ भुसार मालाच्या मोंढ्यावर २८ जानेवारीला‎ तूर ६ हजार ते ६६०० रुपये प्रतिक्विंटल दराने‎ विकली गेली. ३ फेब्रुवारीला तुरीचा भाव तब्बल‎ ६९०० रुपये प्रति क्विंटलवर पोहोचला होता.‎ तुरीच्या दरात ३०० ते ४०० रुपयांची वाढ झाल्याचे‎ दिसत आहे. सोयाबिनचे दर ५ हजार ते ५५००‎ रुपये प्रतिक्विंटलवर गेल्या काही दिवसांपासून‎ स्थिर आहेत. आठवडाभरापूर्वीच्या दराच्या‎ तुलनेत गहू व बाजरीच्या दरात किरकोळ वाढ‎ झाल्याचे दिसत आहे.‎

धान्याचे भाव (प्रति क्विंटल)‎} बाजरी - १८५२ ते २३०१ गहू - २२०० ते‎ २९०१ तूर - ६६४६ ते ६९०० सोयाबिन -‎ ५०२६ ते ५०५० ‎रुपये‎