ग्वाही‎:अकरा गावांतील उर्वरित रस्त्यांचा‎ प्रश्न मार्गी लावणार : आ. काळे‎

राहाता तालुक्यातील अकरा गावांचा‎ समावेश २००९ मध्ये कोपरगाव‎ विधानसभा मतदारसंघात करण्यात‎ आला. या ११ गावांतील मतदारांनी‎ अशोकराव काळे यांना मताधिक्य‎ दिल्यामुळे ते पुन्हा आमदार झाले. या‎ ऋणातून उतराई होण्यासाठी विकास‎ निधीच्या बाबतीत कोपरगाव‎ तालुक्याप्रमाणे या अकरा गावांनाही‎ समसमान निधी देऊन त्यांनी विकास‎ प्रश्न मार्गी लावले. यांचा आदर्श‎ डोळ्यासमोर ठेवून मागील साडे तीन‎ वर्षात अकरा गावातील विकास‎ कामांना जास्तीत जास्त निधी‎ देण्याचा प्रयत्न केला अाहे. या पुढील‎ काळात देखील नागरिकांच्या‎ मागणीनुसार उर्वरित सर्वच रस्त्यांचा‎ प्रश्न मार्गी लावू, अशी ग्वाही‎ आमदार आशुतोष काळे यांनी दिली.‎

कोपरगाव विधानसभा मतदार‎ संघातील राहाता तालुक्यातील‎ जळगाव येथे २० लाख रुपये‎ निधीतून करण्यात येणाऱ्या राहाता‎ चितळी रोड, ग्रा.मा. ६३ ते‎ शिवाजीराव साबदे घर रस्ता‎ डांबरीकरण करणे कामाचे‎ भूमिपूजन आणि २० लाख रुपये‎ निधीतून करण्यात आलेल्या‎ कानिफनाथ अमोलिक घर ते‎ जयवंत वैराळ घर रस्ता डांबरीकरण‎ करणे, पोपटराव चोथमल घर ते‎ ज्ञानदेव वैराळ घर रस्ता डांबरीकरण‎ करणे व ग्रामपंचायत अंतर्गत ११ लक्ष‎ ४० हजार रुपये निधीतून करण्यात‎ आलेल्या विविध विकासकामांचे‎ लोकार्पण आमदार काळे यांच्या‎ हस्ते करण्यात आले.याप्रसंगी ते‎ बोलत होते.‎ ते म्हणाले, मतदार संघाच्या‎ विकासाचे प्रश्न मार्गी लावण्यासाठी‎ प्रयत्न करीत आहे. मागील काही‎ वर्षापासून कालवे व वितरिका‎ दुरुस्तीची कामे झालेली नव्हती.‎ त्यामुळे आवर्तन काळात अडचणी‎ येवून त्याचा परिणाम आवर्तनावर‎ होत होता. त्यासाठी महाविकास‎ आघाडी सरकारमधील जलसंपदा‎ मंत्री जयंतराव पाटील यांच्याकडून‎ कालवे दुरुस्तीसाठी ३०० कोटी‎ निधीला मंजुरी मिळवली अाहे.‎ दरवर्षी १०० कोटी रुपये निधीतून‎ कालव्यांची दुरुस्ती होणार आहे.‎