आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शिबिर:मानवसेवा करीत असलेले कार्य कौतुकास्पद ; डॉ. तेजस्विनी मिस्कीन यांचे प्रतिपादन

नगर13 दिवसांपूर्वी
  • कॉपी लिंक

शहाणी म्हणवणारी व्यवस्था ठिकठिकाणी शहरात, गावखेड्यात, रस्त्यावर बेवारस मनोरुग्ण, गंभीर आजारांनी त्रस्त मानसांना मरण्यासाठी सोडून देते. काही महिलांवर तर लैंगिक अत्याचारही होतात.

त्यामधून काही गर्भवती होतात आणि रस्त्यावरच फिरत राहतात. अशांसाठी मानवसेवा प्रकल्प करीत असलेले कार्य कौतुकास्पद आहे, असे प्रतिपादन जिल्हा रुग्णालयाच्या मानसोपचार तज्ञ डॉ. तेजस्विनी मिस्कीन यांनी केले.

रस्त्यावरील बेघर, निराधार, पिडीत मनोरुग्णांना आधार देऊन पुनर्वसनासाठी कार्य करणाऱ्या श्री अमृतवाहिनी ग्रामविकास मंडळाच्या मानवसेवा प्रकल्पातील मनोरुग्णांची अहमदनगर जिल्हा रुग्णालयाच्या वतीने आरोग्य तपासणी करुन त्यांचे समुपदेशन करण्यात आले. त्यावेळी त्या बोलत होत्या. यावेळी अमृतवाहिनी ग्रामविकास मंडळांचे प्रशासकीय अधिकारी सिराज शेख, जनसंपर्क अधिकारी अंबादास गुंजाळ, सोमनाथ बर्डे, नर्स सुरेखा केदार, प्रियंका गायकवाड, राहुल साबळे, कुणाल बर्डे उपस्थित होते.

मानसोपचार तज्ञ डॉ. मिस्कीन यांनी ५४ लाभार्थ्यांची मानसिक आरोग्य तपासणी करुन त्यांना औषधोपचार दिले. या शिबीरात जिल्हा रुग्णालयाचे मानसिक आरोग्य विभाग समाजसेवक गोरक्ष इंगोले, कम्युनिटी नर्स विवेक मगर यांनी उपस्थित राहून समुपदेशनास सहाय्य केले.

बातम्या आणखी आहेत...