मोजणी सुरू:सीना नदी पात्राच्या हद्द निश्चितीचे काम पुन्हा सुरू‎, भूमि अभिलेख विभागाकडून‎ पात्रालगत जागांची मोजणी‎

नगर‎ मनपा प्रशासनाने बंद पडलेली सीना नदी ‎पात्राची हद्द निश्चित मोहीम भूमि अभिलेख ‎ ‎ विभागाच्या सहकार्याने गुरुवारपासून पुन्हा‎ सुरू केली.

नदी पात्रालगत असलेल्या‎ खासगी जागांची मोजणी करून त्यांची व‎ पात्राची हद्द निश्चित केली जाणार‎ असल्याचे व मनपाने नियुक्त केलेल्या‎ खासगी संस्थेमार्फत निश्चित झालेल्या‎ हद्दींची जीपीएसद्वारे विकास आराखड्यावर‎ नोंद घेतली जाईल, असे मनपाने सांगितले.‎

सीना नदी पात्र व पूर नियंत्रण रेषेचे‎ सर्वेक्षण करत कुकडी पाटबंधारे विभागाने‎ महापालिकेकडे नकाशे सादर केले होते.‎ मात्र, या नकाशाद्वारे हद्द निश्चित करण्याचे‎ काम सुरू असताना अनेक ठिकाणी‎ खासगी जागेत हद्द दर्शवण्यात आली होती.‎ त्यामुळे ही मोहीम ठप्प झाली होती.‎

यासंदर्भात जिल्हाधिकाऱ्यांनी अहवाल‎ ‎मागवल्यावर कुकडी पाटबंधारे विभागाने‎ हद्द निश्चितीबाबत हात झटकले. भूमि‎ अभिलेख व मनपा प्रशासनाने खासगी‎ जागा मोजून त्यांची हद्द निश्चित करावी व‎ उर्वरित हद्द नदी पात्र म्हणून नोंद करावी,‎ असे मत व्यक्त केले होते. त्यानुसार आता‎ भूमि अभिलेख विभागाचे अधिकारी व‎ मनपाच्या अतिक्रमण निर्मूलन विभागाचे‎ कर्मचारी संयुक्तपणे हद्द निश्चितीचे काम‎ करत आहेत.‎ नागापूर येथील पुलापासून गुरुवारी हे‎ काम सुरू करण्यात आले. मनपा‎ अतिक्रमण निर्मूलन विभागाचे क्षेत्रीय‎ अधिकारी रिजवान शेख, अर्जुन जाधव,‎ भूमी अभिलेख विभागाचे रवी डीक्रूज,‎ आरोटे कन्सल्टंटचे गणेश भोईटे यांच्यासह‎ नगररचना विभागातील कर्मचारी व‎ अधिकारी या मोहिमेत सहभागी झाले‎ आहेत.

नागापूर पुलाखाली खासगी जागा‎ मोजून हद्द निश्चित करण्याचे काम सुरू‎ केले आहे. नदीच्या दोन्ही बाजूला खासगी‎ जागांची हद्द निश्चित केल्यावर नदी‎ पात्राच्या लगत प्रत्येक जागा मोजून खासगी‎ हद्द निश्चित केली जाणार आहे.‎महापालिका व भूमि अभिलेख विभागाच्या कर्मचाऱ्यांकडून नदी पात्रालगत जागांची‎ मोजणी सुरू करण्यात आली आहे.‎महापालिका व भूमि अभिलेख विभागाच्या कर्मचाऱ्यांकडून नदी पात्रालगत जागांची‎ मोजणी सुरू करण्यात आली आहे.‎