आनंदोत्सव साजरा:सात्रळ महाविद्यालयातील दिव्यांग‎ कार्यशाळेत झाली रंगांची उधळण‎

येथील कला, वाणिज्य व विज्ञान‎ महाविद्यालय रंगपंचमीनिमित्त रंगांची‎ उधळण करत सर्व विद्यार्थी-विद्यार्थिनींनी मिळून दिव्यांग विद्यार्थ्यांसमवेत‎ आनंदोत्सव साजरा करत एकात्मतेचे‎ दर्शन घडवले. ज्यांना रंगपंचमीचा रंग‎ कोणता आहे हेच माहीत नाही, ते‎ बघण्याची दृष्टीच नाही त्यांच्या‎ जीवनात रंग भरण्याचा प्रयत्न‎ महाविद्यालयाने केला.‎

येथील कला, वाणिज्य व विज्ञान‎ महाविद्यालय रौप्य महोत्सवी‎ वर्षानिमित्त सावित्रीबाई फुले पुणे‎ विद्यापीठ, विद्यार्थी विकास मंडळ‎ आणि महाविद्यालयातील राष्ट्रीय सेवा‎ योजना, निर्भय कन्या उपक्रम व‎ आरोग्य समिती आयोजित (विशेष‎ विद्यार्थी) दिव्यांग कार्यशाळा‎ अभ्यासकांच्या मार्गदर्शनाखाली‎ झाली. या कार्यशाळेनंतर रंगांची‎ उधळण करण्यात आली.‎ अध्यक्षस्थानी प्राचार्य प्रो. डॉ.‎ प्रभाकर डोंगरे होते. प्रास्ताविक रासेयो‎ कार्यक्रमाधिकारी प्रा. रोहिदास‎ भड़काव यांनी केले. याप्रसंगी‎ सहशिक्षक ज्ञानेश्वर लोखंडे, सतीश‎ देठे, आलम सय्यद, आरोग्य समिती‎ चेअरमन डॉ. राम तांबे, प्रा. बाळ‎ सराफ, डॉ. शिवाजी पंडित, डॉ.‎ रामदास बोरसे, डॉ. नवनाथ शिंदे, प्रा.‎ अश्विनी साळुंके, प्रा. माधुरी‎ जेजुरकर आदी उपस्थित होते.‎ कार्यशाळेत बाभळेश्वर येथील पद्मश्री‎ डॉ. विठ्ठलराव विखे पाटील प्राथमिक,‎ माध्यमिक व उच्च माध्यमिक आणि‎ अंध व कर्णबधिर विभागातील शंभर‎ विद्यार्थी- विद्यार्थिंनींनी सहभाग‎ घेतला.‎