फसवणूक:नोकरीच्या आमिषाने तेरा जणांची‎ 86 लाख रुपयांच्या फसवणूक‎

तरुणांना नोकरी लावून देण्याच्या आमिषाने ८६‎ लाख २८ हजार ५०० रुपयांची फसवणूक‎ केल्याची फिर्याद कोतवाली ठाण्यात दाखल‎ झाली . यासंदर्भात श्रीगोंदे तालुक्यातील सौरभ‎ शिंदे यांनी फिर्याद दिली आहे.‎ याप्रकरणी दिनेश लहारे (हनुमान नगर,‎ अरणगाव), रमजान शेख (रा. टाकळी‎ खातगाव, ता. नगर) आणि जावेद पटेल (रा.‎ गंगापूर ) यांच्या विरोधात गुन्हा दाखल झाला‎ आहे. रभ शिंदे हे बेरोजगार आहेत. त्यांनी‎ सैन्यदलात नोकरी लावण्यास कराड येथील‎ अ‍ॅकॅडमीत प्रवेश घेतला होता. पण नोकरी‎ लागली नाही.

आरोपी शेख याने सौरभ याला‎ तुला नोकरी लावून देतो, पण पैसे द्यावे‎ लागतील असे सांगितले. त्यामुळे फिर्यादी‎ शिंदे यांनी आरोपीला वेळोवेळी एकूण १५ लाख‎ रुपये दिले. आरोपी शेख याला लहारे व पटेल‎ यांनी साथ दिली. पैसे घेवुन नोकरी तर दिलीच‎ नाही तसेच पैसेही परत केले नाहीत, असे‎ फिर्यादीत म्हटले आहे. शिंदे यांनी त्यांचे मित्र‎ स्वप्नील शिंदे (४ लाख), कुलदिप लगड (४‎ लाख ६० हजार), वैभव शिंदे (५.२९ लाख ),‎ सिध्दार्थ भिंगारदिवे (५.३५ लाख ), अभिजित‎ तुपे (४.७० लाख ), अतुल धोंडे (४ लाख ३५‎ हजार), सागर अनारसे (४ लाख ३५ हजार),‎ प्रफुल्ल वैराळ (४ लाख ४० हजार), प्रशांत‎ वाघमारे (५ लाख ४५ हजार), गोविंद तुपे (४‎ लाख ९५ हजार), पायल भिंगारदिवे (६ लाख‎ १५ हजार), संदीप शिंदे (४ लाख २४ हजार),‎ जालींदर खेतमाळीस (७ लाख ७५ हजार)‎ अशी एकूण ७१ लाख २८ हजार व फिर्यादीचे‎ १५ लाखांची फसवणूक झाली आहे.‎