प्रतिपादन‎:हळदी-कुंकू कार्यक्रमातून विचारांचा जागर व्हावा‎

संस्कृतीचा वारसा महिलांमुळे‎ जपला जात आहे. हळदी-कुंकू‎ कार्यक्रमात एकत्र येताना, महिलांनी‎ विचारांचा जागर करणे आवश्यक‎ आहे. एकमेकींचे सुख, दु:ख जाणून‎ घेताना, समाजात स्त्रियांच्या‎ प्रश्‍नावर विचार मंथन होऊन ते‎ सोडविण्यासाठी प्रयत्न करावेत,‎ असे आवाहन मीनाली काबरा यांनी‎ केले.‎ प्रयास व नम्रता दादी-नानी ग्रुपच्या‎ वतीने हळदी-कुंकू कार्यक्रमात‎ महाराष्ट्राची लोकपरंपरा व‎ संस्कृतीचा जागर करण्यात आला.‎ मराठमोळ्या वेशभूषेत या‎ कार्यक्रमात सहभागी होऊन‎ महिलांनी कार्यक्रमाचा आनंद‎ लुटला. महिलांचे यावेळी रंगलेल्या‎‎‎‎‎‎‎‎‎‎‎‎‎‎ विविध सांस्कृतिक कार्यक्रम व‎ विविध स्पर्धेतून आपल्या‎ कल्पकतेचा अविष्कार घडविला.‎ एकमेकींना हळदी-कुंकू लावून‎ कार्यक्रमाची सुरुवात झाली.

कीर्ती‎ शिंगवी, उषा शिंगवी व शोभा काबरा‎ यांच्या प्रमुख उपस्थितीत झालेल्या‎ कार्यक्रमाप्रसंगी ग्रुपच्या अध्यक्षा‎ अलका मुंदडा, प्रवीणा घैसास, प्रिया‎ आठरे, सविता गांधी, ज्योती कानडे,‎ साधना भळगट, शोभा पोखरणा,‎‎‎‎‎‎‎‎‎‎‎‎‎‎ मनीषा देवकर, हिरा शहापुरे, जयश्री‎ पुरोहित, शकुंतला जाधव, दीपा‎ सोनी, सुजाता पुजारी, पुष्पा मालू,‎ तारा लढ्ढा, रेखा फिरोदिया, स्वप्नाली‎ शिंगी, स्वाती गुंदेचा, उषा गुगळे‎ आदींसह ग्रुपच्या महिला मोठ्या‎ संख्येने उपस्थित होत्या.‎ प्रास्ताविकात अलका मुंदडा यांनी‎ महिलांसाठी राबविण्यात येणाऱ्या‎ विविध उपक्रमांची माहिती दिली.‎ पाहुण्यांचे स्वागत प्रवीणा घैसास‎‎‎‎‎‎‎‎‎‎‎‎‎‎ यांनी केले. प्रारंभी सोनल तरटे यांनी‎ गीतांवर नृत्याचे उत्कृष्ट सादरीकरण‎ केले.

यावेळी महिलांसाठी विविध‎ मनोरंजन, कौशल्यात्मक व बौध्दिक‎ स्पर्धा रंगल्या होत्या. दीपा मालू यांनी‎ घेतलेल्या विविध स्पर्धेत महिलांनी‎ उत्स्फुर्त सहभाग नोंदवला. विजेत्या‎ महिलांना बक्षिसे देण्यात आली.‎ सूत्रसंचालन सारिका कासट यांनी‎ केले. आभार दीप्ती मुंदडा यांनी‎ मानले.‎