राजकीय:नगर जिल्हा भाजपचे तीनही जिल्हाध्यक्ष बदलणार‎, भाजपच्या प्रदेश चिटणीस पदावर दक्षिण जिल्हाध्यक्ष अरुण मुंढे यांचा समावेश

कार्यकाळ पूर्ण झालेल्या भाजपचे नगर‎ जिल्ह्यातील तीनही जिल्हाध्यक्ष‎ बदलण्याचे संकेत मिळत आहेत. येत्या‎ १६ मे रोजी नगर शहर, नगर दक्षिण व नगर‎ उत्तर जिल्ह्याचे भाजपचे जिल्हाध्यक्ष‎ बदलणार आहेत. तत्पूर्वी प्रदेशाध्यक्ष‎ चंद्रशेखर बावनकुळे यांनी बुधवारी (३‎ मे) जाहीर केलेल्या प्रदेश कार्यकारिणीत‎ नगर जिल्ह्यातील चार पदाधिकाऱ्यांचा‎ समावेश केला आहे.

नगर दक्षिणचे‎ जिल्हाध्यक्ष अरुण मुंडे यांना प्रदेश‎ चिटणीस पद देण्यात आले आहे.‎ प्रदेश कार्यकारिणी सदस्य म्हणून‎ ज्येष्ठ नेते अभय आगरकर, जिल्हा‎ परिषदेचे भाजपचे गटनेते जालिंदर‎ वाकचौरे व माजी नगरसेवक सुवेंद्र गांधी ‎ ‎ यांचा समावेश करण्यात आला आहे. ‎दरम्यान, नगर शहर जिल्हाध्यक्ष पदासाठी ‎विद्यमान शहराध्यक्ष भैय्या गंधे यांच्यासह ‎ माजी महापौर बाबासाहेब वाकळे, सचिन ‎ पारखी यांच्यासह अनेकांच्या नावाची‎ चर्चा आहे.

मात्र, शहर जिल्हाध्यक्ष पद ‎ ‎आपल्या गटाकडे ठेवण्यासाठी विखे‎ गटाने विशेष प्रयत्न सुरू केले आहेत. ‎ ‎ सर्वाधिक इच्छुक नगर शहराध्यक्ष‎ पदासाठी आहेत. भाजपचे विद्यमान शहर ‎ ‎ जिल्हाध्यक्ष भैय्या गंधे यांनी शहराध्यक्ष‎ पद पुन्हा मिळवण्यासाठी जोरदार प्रयत्न‎ ‎ सुरू केले आहेत. आगामी‎ निवडणुकीच्या पार्श्वभूमीवर शहराध्यक्ष‎ ‎ पदासाठी इच्छुकांची संख्या सर्वाधिक‎ असली, तरी कुठल्या नावावर प्रदेश‎ पातळीवरून शिक्कामोर्तब होणार, हे १६‎ मे नंतरच स्पष्ट होणार आहे.‎

नगर उत्तर जिल्हा भाजपचे विद्यमान‎ जिल्हाध्यक्ष राजेंद्र गोंदकर या पदासाठी‎ पुन्हा इच्छुक असले, तरी उत्तरेतून नवीन‎ जिल्हाध्यक्ष पदासाठी विखे गट आग्रही‎ आहे. जिल्हा परिषदेचे गटनेते जालिंदर‎ वाकचौरे यांच्यासह प्रकाश चित्ते यांचेही‎ प्रयत्न सुरू आहेत. नगर दक्षिण‎ जिल्हाध्यक्ष अरुण मुंढे यांची प्रदेश‎ कार्यकारिणी चिटणीस पदावर नियुक्ती‎ झाल्याने दक्षिणेतून अनेक जणांनी त्यांच्या‎ जागेवर मोर्चेबांधणी सुरू केली आहे.‎

बाळासाहेब महाडिक, दिलीप भालसिंग‎ यांच्या नावाची चर्चा आहे.‎ मुंढेकडे धुळे, मालेगाव‎ नव्याने जाहीर झालेल्या प्रदेश‎ कार्यकारिणीत दक्षिणचे जिल्हाध्यक्ष‎ अरुण मुंडे यांच्यावर चिटणीस पदाची‎ जबाबदारी दिली आहे. मालेगाव व धुळे‎ जिल्हाध्यक्ष निवडीचीही प्रभारी म्हणून‎ जबाबदारी सोपवली आहे. पक्षाने शहर‎ अध्यक्षपद दिले, तर निश्चितपणे पक्षाचे‎ काम करील, अशी प्रतिक्रिया माजी‎ महापौर बाबासाहेब वाकळे यांनी दिली.‎

विखे गटाची मोर्चेबांधणी‎ भाजपचे तीनही जिल्हाध्यक्ष‎ बदलणार असल्याने विखे गट‎ सक्रिय झाला आहे. उत्तरेचे‎ जिल्हाध्यक्ष, नगरचे शहराध्यक्ष‎ आपल्या गटाचा करण्यासाठी‎ जोरदार प्रयत्न सुरू आहेत. विखे‎ गटाविरुद्ध भाजपचे निष्ठावंत असा‎ सामना पाहायला मिळण्याची‎ शक्यता आहे.‎

मुंढेकडे धुळे, मालेगाव‎ नव्याने जाहीर झालेल्या प्रदेश‎ कार्यकारिणीत दक्षिणचे जिल्हाध्यक्ष‎ अरुण मुंडे यांच्यावर चिटणीस पदाची‎ जबाबदारी दिली आहे. मालेगाव व धुळे‎ जिल्हाध्यक्ष निवडीचीही प्रभारी म्हणून‎ जबाबदारी सोपवली आहे. पक्षाने शहर‎ अध्यक्षपद दिले, तर निश्चितपणे पक्षाचे‎ काम करील, अशी प्रतिक्रिया माजी‎ महापौर बाबासाहेब वाकळे यांनी दिली.‎

विखे गटाची मोर्चेबांधणी‎

भाजपचे तीनही जिल्हाध्यक्ष‎ बदलणार असल्याने विखे गट‎ सक्रिय झाला आहे. उत्तरेचे‎ जिल्हाध्यक्ष, नगरचे शहराध्यक्ष‎ आपल्या गटाचा करण्यासाठी‎ जोरदार प्रयत्न सुरू आहेत. विखे‎ गटाविरुद्ध भाजपचे निष्ठावंत असा‎ सामना पाहायला मिळण्याची‎ शक्यता आहे.‎