मॅरेथॉन स्पर्धेचे आयोजन‎:मॅरेथॉन स्पर्धेमुळे उद्या‎ वाहतूक मार्गात बदल‎

नगर रायझिंग फाऊंडेशनतर्फे रविवारी (‎ ५ फेब्रुवारी) पाथर्डी मार्गावर‎ अहमदनगर क्‍लब मैदान ते चांदबीबी‎ महालापर्यंत मॅरेथॉन स्पर्धेचे आयोजन‎ केले आहे. त्यामुळे रविवारी पहाटे ५ ते‎ सकाळी १० वाजेपर्यंत नगर क्‍लब‎ मैदानापासून चांदबीबी महालापर्यंतच्या‎ वाहतुकीत बदल करण्यात आला आहे.‎ पोलिस अधीक्षक राकेश ओला यांनी‎ मुंबई पोलिस अधिनियमनुसार आदेश‎ जारी केला आहे.‎

पाथर्डीहून नगरकडे येणारे सर्व प्रकारचे‎ हलके वाहने सारोळा बद्दी, जामखेड‎ मार्गे नगर अशी असेल. नगरहून‎ पाथर्डीकडे जाणारी हलकी वाहने‎ जामखेड, सारोळा बद्दी मार्गे पाथर्डी‎ रोडकडे जातील. आयकर भवन येथून‎ अहमदनगर क्लबकडे (भूईकोट‎ किल्ला) जाणारी सर्व प्रकारची वाहतूक‎ पर्यायी मार्गाने वळवली आहे.‎ अहमदनगर क्लब मैदान-लकडी‎ पूल-कॉन्‍व्‍हेंट चौक-किल्ला ग्राऊंड‎ चौक- अहमदनगर छावणी‎ कार्यालयासमोरील चौक-जॉगींग पार्क‎ चौक- कॅन्टोन्मेंट सीओ‎ निवासस्थानासमोरील चौक -‎ नगर-पाथर्डी महामार्ग या मॅरेथॉन‎ मार्गावरील वाहतूक पर्यायी मार्गाने‎ वळवली आहे. नगर-पाथर्डी‎ महामार्गावर भिंगार येथील पंचशील नगर‎ वेशीसमोरील चौकापासून चांदबीबी‎ महालापर्यंतच्‍या रोडवर फक्त दुचाकी,‎ एसटी, रुग्णवाहिका व इतर हलक्या‎ शासकीय वाहनांना प्रवेश करता येईल.‎