इशारा:सावेडीतील भूमिगतवाहिन्या धोकादायक

तोफखाना पोलिस ठाणे ते भिस्तबाग चौकापर्यंत भूमिगत वीज वाहिन्या टाकण्यात आल्या आहेत. जिथे रोडक्रॉसिंग आहे, अशा १० ते १२ ठिकाणी या वाहिन्या उघड्यावर आहेत. या वाहिन्या खोदाई करून ३ ते ४ फूट जमिनीखाली अंथरणे आवश्यक असतानाही वरच्यावर टाकण्यात आल्यामुळे या वाहिन्यांचा धोका निर्माण झाला आहे.

या कामाची सखोल चौकशी करावी. कामाची माहिती, मंजूर रक्कम व खर्च, कोणते काम झाले याची माहिती मिळावी. येत्या आठ दिवसात कार्यवाही न केल्यास आंदोलन करण्याचा इशारा माजी नगरसेवक तायगा शिंदे यांनी दिला आहे.